Roniştişo diyîn ê dewaya Velî Encuyî yo ke birayê ci Serhat Encu û zaf merdimnê ci Qirkerdişê Roboskî de wefat kerd û ê hemşaredarê Bajarekê Dêrgulê yê verênî Mehmet Demîr, xebatkaranê HDPyî Salîh Kerçîn, Mazlum Guzel û Şehmus Kerçîn ê ke sey tepişte yenê hukmkerdene  û bi îdîaya ''endamîya rêxistine'' 24ê gulana 2019î de amebî tepiştene Mehkema Cezaya Girane ya 1. ya Şirnexî de ame kerdene. 

Tepişteyî û avûkatê înan roniştiş de amade bîyî û keyeyê Roboskî dewa teqîb kerde. Tepişteyan pawitişê xo kerdî û vat ke ê beyanê xo yê roniştişê yewînî dibare kenê û waşt ke bêrê veradayene. Avûkatan zî pawitişê muwekîlanê xo kerdî û waşt ke ê bêrê veradayene. Mehkeme bi bahaneya kêmasîyanê dosya bire daye ke rewşa tepiştişî dewam bikera û dewa taloqê 28ê çeleyî kerd.