Partîyanê sîyasîyan, sendîkayan, weqifan û komeleyan zî tede 18 rêxistinanê Meletî ewro eşkerayîyêke daye û pare kerd ke ganî vera vîrusê Korona çi tebdîrî bêrê girewtene.

Eşkerayîye de ame waştene ke vejîyayîşê teberî wa bêro qedexekerdene, hewcedarîyanê zarûrîyan ra berî karê berardişî bêro vindartene, zerarê esnafan bêro peydakerdene, hetkarîya madîye ya xizanan bêra kerdene, xizmetê weşîye, ceyranî, awe, gazê tabîyî û înternetî bêpere bêrê dayene.

Eşkerayîye de bale ameye antene rîskê zîndanan ser û ame vatene: ''Paketa dadgerîye ya ke rojdem de ya, ganî usûlanê demokratîkan ser o bêra vindertene û çarçewa waştişanê rêxistinanê komelê sivîlî de biba qanûn û goreyê tay faktorê rîskî yê sey sixletîya zîndanan bêrê kêmkerdene.''

Dezgehê ke morê xo dayî binê eşkerayîye wina yê:

 "SES, Beledîye îş, BTS, BES, Egitim-Sen, Egitim-Îş, Komeleya Hemwelatîya Têdûşte, ÎHD, ADD, ÇGD, CHP, EMEP, ESP, HDP, Partîya Çepe, TMMOB, PSKAD, Weqifa Zeynel Abîdînî''