Merdimanê tepişteyanê nêweşan û tepişteyanê ke înfazê înan ameyo vêşnayene roja 343. ya Nobeta Edaletî de verê Zîndanê Amedî de çalakîya xo kerde.

Merdimanê tepişteyanê nêweşan ra Încîye Guler çalakîye de qisey kerd û vat: ''Wezîrîya Edaletî soz da ma ke rewşa tepişteyanê nêweşan bivisna rojdemê Meclîsî la sozê xo nêard ca. Rixmê hende çalakîyanê ma zî teda û şîdetê vera tepişteyan zêdîyayî. Dewlete bi çimê dişmenîye ewnîyena tepişteyan. Wina nêbîyêne bêedaletîye nêkerdêne. Ma do her ca de bibê vengê tepişteyan. Ewro verê zîndanî de ma vanê 'Biciwîyo xoverdayîşê zîndanan.' ''

Çalakîye bi sloganan qedîyaye.