Mêrdîn de qeza: 6 kesî merdî, 5 kesî birîndar bîyî
Qezaya Mehsertî ya Mêrdînî de wesayîtêk qelibîya. Qezayê trafîkî de 6 kesan dinyaya xo bedilnaye û 5 kesî zî birîndar bîyî.
Goreyê agahîyan qezaya Mehsertî ya Mêrsînî de wesayîto ke tede xebatkarê walîtîye û zanîngehî bîyî qelibîya şarampolî.
Goreyê agahîyanê verênan 6 kesan qeza de dinyaya xo bedilnaye û 5 kesî zî birîndar bîyî.
Dîya zanayene ke nameyê ê kesanê ke dinyaya xo bedilnaya wina yê: Rûkene Adam, Fatma Kaya, Buşra Keleş, Kamûran Onen, Abdullah Macît û Yusuf Tunç.
Birîndarî wedarîyayî nêweşxaneyan û derheqê qezayî de tehqîqat dîya destpêkerdene.
