11ê kanûne de çarçewa tehqîqatê Serdozgerîya Komare ya Mêrdinî de sereşrişanê keyeyan de  Hemsereka Odaya Tabîban a Mêrdînî Derya Etem û Hemserekê HDPyî yê Mêrdînî Salîh Kuday zî tede 10 kesî amebî destbendkerdene. Nê kesê ke Mudirîyetê Asayîşî yê Bajarî de yenê tepiştene û îfadedayîşê înan dewam kenê wextê destbentkerdişê înan qasê 4 rojan ame dergkerdene.

Ame zanayene ke kesê ke nezaret de înan rê derheqê kombîyayîşê KCDyî yê 2018î de persî ameyî kerdene.

Nameyê 10 kesanê destbendkerdeyan wina yê: Hemsereka Odaya Tabîban a Mêrdînî Derya Etem, Hemserekê HDPyî yê Mêrdînî Salîh Kuday , aktîvîsta TJA Aysele Erol, endam û îdarekarê HDPyî Neda Alper, Abdullah Akikol, Veysî Parilti, Dilaver Înal, Kerîm Saygili, endama Platformê Cinîyan ê Şahmaran Emel Boran û Hemsereko Verên ê Mêrdînî yê Sendîkaya Kedkaran a Buroyan (BES) Mustafa Benlî.