Goreyê zanayîşanê ke ameyî girewtene bi saeta herême 14:00 de Qezaya Kelarî ya bajarê Silêmanî ya Başûrê Kurdîstanî de vengê teqayîşêk ame ke pabesteya îdareyê Germîyanî ya.

Kesê ke qewimîyayîşî rê bîyî şahîd vat droneyê çekdarî yê dewleta tirke hêrişê keyeyêkî kerd. Nêame musayene ke çewî dinyaya xo bedilnaye ya nê. Eşkerayîya fermî zî nêameye kerdene.

Hêzanê asayîşê ke zanayîş da Rojnewsî vat keyeyo ke dîyayo bombayan ver keyeyê sîvîlan û derheqê serebûtî de cipersayîş dîyayo destpêkerdene.

Vizêr (29ê sibate) de  vera Şingal û Silêmanî bi droneyanê çekdaran hêriş ame kerdene. Rojêke dima ra no hêriş ame kerdene.

Hêrişê vera Silêmanî de Abdullkadir Sabrî Toprak ame qetilkerdene ke babîyê hîrê domanan bi. Şingal de zî babîyê hîrê domanan Sadun Mirza Ali şehîd bi.