Dewleta tirke Şingal de wesayîtêk da bombayan ver
Dewleta tirke ya îşxalkere dewa Zîravîkî ya qezaya Tîlîzerî ya Şingalî de wesayîtêk bi droneyê çekdarî da bombayan ver, babîyê 3 domanan qetil kerd.
Goreyê zanayîşanê ke ameyî girewtene dewleta tirke ya îşxalkere dewa Zîravîkî ya qezaya Tîlîzerî ya Şingalî de wesayîtê Dezgehê Keyeyanê Şehîdan bi droneyê çekdarî da bombayan ver.
Wasayîtêko ame hedefgirewtene tede şewat vejîya, şarê herême mudaxale kerd, şewat hewna kerd. Netîceya hêrişê dewleta tirke ya îşxalkere de babîyê 3 domanan Sadun Mirza Ali şehîd bi.
