Fermandarîya Qerargehê Merkezê Pawitişê Şarî seba ke çalakîyê girdî viraştî Fermandarîyê  Eyaletê Amed û Heftanînî silam kerdî û xoverdayîşê  înan pîroz kerd.

Eşkerayîye de çalakîyê peyênî yê Heftanîn û qezaya Pîranî ya Amedî ameyî  vîrardene û ame vatene ke çalakîya Qilê Partîzanî  ê Heftanînî de 20 û Pîranî de zî 7 îşxalkarê artêşa Tirkî  ameyî kiştene. Nê çalakîyê tarîxîyî ruhê serkewtişî yê dewrî îfade kenê.

Eşkerayîyê de nê ameyî parekerdene: ’’Bi sebir, qerardarî û metodêkê profesyonelî benda hedefê dişmenî vindertî û bi metodê gerîlayî yê dewrê neweyî, wareyo ke dişmen xo ra zaf bawer o de, nê çalakîyî ameyî viraştene. Nê çalakîyî hêzê dewleta Tirkî ya îşxalkare ya faşîste lerznaye. Nê çalakîyê ke bi performansêkê serkewteyî ameyê kerdene, tede bê ke vînîbîyayîşêk bidîyo, derbeyêkê giranî dîyayî dişmenî ro û bîyî sebebê vînîbîyayîşê giranan ê dişmenî. Loma ma fermandar û şerwananê ke keda înan nê çalakîyan de esta heminan pîroz kenê.

Nê çalakîyan de taktîkê sabotajî ke taktîkanê bingeyênan ê dewrê neweyî ra yo bi westatî ameyo bicaardene û netîce ci ra ameyo girewtene. Bi vîr û bawerîya ke şima do nê metodî hîna bikerê xurt, ma fermandarîya şima û şexsê fermandarîya şima de heme hêzanê eyaletê Amed û Heftanînî silam kenê û bi hîsanê şorişgêran şima rê serkewtiş wazenê.”