Merkezê Pawitişê Şarî xoverdayîşê gerîlayanê Xakurkê slam kerd. Eşkerayîya Fermandarîya Qerargehê Merkezê Pawitişê Şarî wina ya:

‘’Eyaletê şima de vera hêrişê îşxalî yê dewleta Tirkî îşxalkare yo ke 27’ê Gulane ra nata yeno domnayene, xoverdayîşêko  xurt yeno dayene.  Ma şexsê Kendal Şûrûçî de heme şehîdanê qehremanan yê ke nê xoverdayîşê tarîxî de bi qehramankîyî şerd kerd, yad kenê û soz o ke ma dayo înan, ma reyna newe kenê. Xoverdayîşê Xakurkê yo ke bi ruhê xoverdayîşê Kendalan aver şino pelêko newe tarîxî ma de akeno.

Xakurkê de vera îşxalkaran xoverdayîşêko tarîxî esto. No xoverdayîşo ke goreyê xeta neweyî yê gerîlayî yeno dayene manaya ci ya girde esta. Ma no xoverdayîşo ke bi girdbîyayîş yeno domnayene teqdîr kenê. Nimûne ya  tewr girde ya nê xoverdayîşî çalakîya ke 2’ê Tebaxe de derûdorê dewa Miskokê ya Xakurdê ameye viraştene ya. Çalakîya ke tîmê qesasî yê Şehîd Agirî viraşte ra dima eskerê ke hereme de ameyîbî cakerdene peyser ancîyayî. Reyna 3 ê Tebaxe  de tîmê qesasî yê Şehîd Egid Hewremanî Qilê Şehîde Sarya de vera îşxalkaran çalakîyêka bitesîr viraşte û derbeyêka girde daye îşxalkaran ro. Çalakîye însîyatîf û cesaretê gerîlayî  vete werte. Reyna 4 û 5’ê Tebaxe de Qirekê Ermûşî de tîmê qesasî yê  Şehîd Şoreş Azadî derbeyêka muhîme daye îşxalkaran ro.

Ma seba xoverdayîşê Xakurkê hemrayanê xo yê ke tewrê nê çalakîyan bîyê û çalakîyî bi hawayêkê afernayoxî viraştê reyna pîroz kenê, înan rê serkewtiş wazenê. Şexsê şima de heme hêzanê eyaletî bi heskerdiş û hurmet silam kenê. Bi hîsanê şorişgêran ê zerrî ra ma şima heminan rê serkewtiş wazenê.”