Ciwanê welatperwer ê mertalê gandarî 5 rojî yê seba şermezarkerdişê îşxalkarîya dewleta Tirkî ya vera erdê Başûrê Kurdistanî çalakîya xo domnenê. Endamê ciwananê welatperweran ê ke mîyanê mertalanê gandîyan de ca gênê, tewirê şarê Kurdî û bêvengîya ke Başûrê Kurdistanî de esta ANF’yî ercnayî.

Mertalanê Gandaran ra Hêdî Sîpanî vat, “Ma wazenê şarê Başûrê Kurdistanî nê zulmî qebûl nêkero. Dewleta Tirkî wazena her çîyî serê şarê Kurdî rê rewa bikera. Îşxalkarîya Bradostî Xakurkê de nêna qebûlkerdene.”

Botan Germîyanî zî bale ante serê cehdkerdişanê  dewleta Tirkî yê seba vetişê şerê wayûbirakiştişî  û vat, “Ganî şarê Kurdî her timî mîyanê îttîfaqî de bo û neteweya xo esas bigêro. Nê îttîfaqî reyde ciwanê Kurdistanî ganî xeterê îşxalkarî û  hêrişanê dewleta Tirkî yê vera erdê Başûrê Kurdistanî bivînê. Nê wextî de wa bibê wayîrê rol û mîsyonêkê bitesîrî. Wext wextê serdestîya Kurd û Kurdistanî yo.”