Komîteya Ratberdişî ya PKKyî bi sernameyê ''Mazlûman ra heta Mehsuman pirrdê xoverdayîşî yo azadîperwer'' mesajêk erşawit.

Mesajê PKKyî wina yo:

''Erdê Kurdîstanî de serranê peyênan de binê tedaya Qirkerdişê Kulturkî de yo. Dardekerdişê Qazî Mihemedî, Peymana Cezayîrî, Helebçe, Enfal, Qirkerdişê Gazî, Qamişlo û Efrînî nê dejanê tarîxîyan ra çend hebî yê. Coka menga adare seba kurdan bîye menga qirkerdişan la heman wextî de seba kurdan destpêkê wisarî ya, menga xoverdayîşî ya, menga hîşyarîya cuye û ganîbîyayîşî ya. Oyo ke no xoverdayîş bi hawayêkê qehremanî resna asta tewr berze îdeolojîya Mazlûm Doganî û Mahsum Korkmazî-Egîdî bi ke Mazlûm Dogan zîndanê Amedî de bi hîrê qirçanê kîbrîtî Newroze pêşwazî kerde û Mahsûm Korkmaz 28ê adara 1986î de Gabar de şehîd bi.

Gerîlayê azadîya Kurdîstanî yê ke teqîbkerdoxê sembolê têkoşînê ma yê azadîye Egîdan ê, hem qerardar û perwer ê hem zî seba ke armancanê Egîdan bîyarê ca têkoşînê azadîye yê tewr pîlêrî Hewteyê Qehremanî yê 21-28ê Adare de kenê. Coka menga adare seba kurdan hem a meng a ke zulm resa asta tewr berze, hem zî xoverdayîşê vera nê zulmî bi îradeyê merdiman her wisar de asta bêhempa de yeno kerdene.

Embazê ma Mazlûm Dogan û Mahsum Korkma ê kesayet ê ke mîyanê Têkoşînê Azadîye yê Kurdîstanî de wayîrê cayêkê xoserî û taybet ê. Înan bi kesayetê xo têkoşînê azadîye de hemleyêke daye destpêkerdene. Mazlûm Doganî zîndanê Amedî de mîyanê şert û mercanê tewr giranan de rewşêke de ke têkilîya ci pê partîye û xoverdayoxan çinbî bi hawayêkê heybetî vera barbarîya dewleta TCyî werişt we. Çalakîya ey a ke bi hîrê  qirçanê kîbrîtî roşanê Newroze fîraz kerde, şehadetê ey seba têkoşînê ma yê azadîye bîyî mîladêk. Sloganê ''Xoverdayîş cuye yo'' bi vatişê qerardarîya xoverdayîşî û meşaleyê Kurdîstanî.Vîrameyîşê Egîdî, qalkerdişê têkoşînê ey yadkerdiş û qalkerdişê rayberan ê çêran ê têgêrayîşê ma yo.

Coka famkerdiş û yadkerdişê Egîdî yeno manaya yadkerdişê rayberêkê şarî, milîtanêkê dildarê şarî yo ke  vernîyê têkoşînê azadîye de şi. O do her tim sey sembolê çêrîye yê têgêrayîşê ma bêro yadkerdene! Oyo girîng no yo ke wext û cayêk de ke faşîzm tewr zêdêr hêriş keno kamî hîna zêde do wayîrê nê tewirê azadîperwerîye yê neweyî, wayîrê na kîmyaya newîye do bivejîyê. Coka nê persî her wextî ra girîngêr ê ke vanê 'ganî çita bêro teqîbkerdene, ganî çita bêro kerdene, perwerîta raştikêne ya têkoşînî ganî senî biba?'

Nê esasî ser o ma venga şarê xo, şarê Tirkîya û Rojhelatê Mîyanênî, ciwanan û her keso ke hesretê demokrasîyî kenê, danê ke vera nê rejîmê zorbazî wurzê payan ser, xo biresnê ruhê Mahîran, bi wesîleya Hewteyê Çêrîye yê Mazlûman ra heta Egîdan bi îdeolojîya şehîdan vera faşîzmî û asîmîlasyonî domeyê şehîdanê xoverdayîşî de kom bibê, faşîzm birijnê, tecrîd wedarê û demokrasî û azadî bivisnê destî.''