Xoverdayoxê Zîndanî Metîn Serhato ke 16’ê Kanûn a 2018’î ra vera tecrîdê sere Rayberê Şarê Kurdî Abdullah Ocalanî grevê vêşanîye de yo pêvînayîşê keyeyê xo de mesajê serkewtişî da û bale ante xoverdayîşê dayîkan ser.

Metîn Serhato ke 152 rojî yo Zîndanê Xarpêtî de grevê vêşanîye yê bêdem-bêagêrayîşî de yo gama ke keyeyê xo dir pêvînayîş kerdêne mesajêk şawit û nê pare kerdî: ‘’ Ma her tim dayîkan rê deyndarê. Rixmê heme hêrişan dayîkê ma bîyî vengê ma û bawerîya ma yê serkwtişî gird kerde. Wa ciwanî wayîr xoverdayîşê dayîkan bivejîyê. Eke şima ma meraq kenê moralê ma ca de yo. Seke şima zî zanê 6 mengî yo xoverdayîşêko bêhempa esto. Cayo ke xoverdayîş esto, coş û moral esto. Bê xoverdayîş cuye nêbeno. Merdim bi xoverdayîşî rind beno. Seke bêmergan zî vato xoverdayîş cuye yo. Ma bi bawerîya serkewtişî xoverdayîş xurt kenê. Çîyo ke destê ma ra bêro ma do bikerê. Soz û amancê ma oyo ke ma do bi merdime azadî bêro yew ca. Fizîkî ma bêhal ê rewşa weşîya ma hol nêya la ma biqerar ê. Heta hela peyêne ma do xover bidê. Ma xo ra bawer kenê rixmê nê şertanê zehmetan ma do ser bikewê. Azadîye sebebê estbîyayîş a. Ma hînî wer werdiş xo vîra kerdo. Ma xoverdayîşêk de yê. Pêvînayîşê 2’ê Gulane yewe game bi la tecrîd hema nêameyo wedartene. No deme de bedelê girdi zî ameyî dayene.  Heta ke waştişê ma merê ca xoverdayîşê ma do dewam bikero.  Xoverdayîş do tecrîdî bişikno.’’