Herêma Metîna ya Herêmanê Pawitişî yê Medya de gerîlayanê HPG û YJA-Starî Newroza 2022î pê coşêkê pîlî fîraz kerde.

Gerîlayan serê sibayî rew dest pê şayîye kerd, binê varanî de adirê Newroze vist ta û dormeyê adirî de pê tîlîlî û sloganan govende girewte.

Dima qiseykerdiş ame kerdene. Qiseykerdiş de wina ame vatene: ''Xoverdayîşê Kawayî yê vera zaliman, ewro raştîya PKKyî de hîna zaf vejîyeno werte. Xoverdayîşê Mazlûm Doganî yê vera îşxalkeran ewro zî dewma keno. Gerîlayî vera zulmê dişmenî yê serê kurdan xo ver danê. Newroze reyde dîyayîşê wisarî her hetî ra seba hemle û serkewtişanê neweyan zaf girîng o. Ma bi wesîleya Newroze ganî xo seba hemleyanê neweyan amade bikerê. Sere de yê Rayber Apoyî ma Newroza şarê Kurdîstanî fîraz kenê.''

Gerîlayan wextê şayîye de ANFyî re qisey kerd û îfade kerd ke ê do Newroza 2022î bi hemleya 'Wext wextê azadîye yo' biresnê serfîrazîye. Gerîlayan ard ziwan ke înan 2021 de xoverdayîş û çêrîyê pîlî vistî destî û Têgêrayîşê Azadîye seba ke xoverdayîşê Mazlûm Doganî esas gêno do qetî bin nêkewo.

Gerîlayan pare kerd ke ê do heta ke Rayberê Şarê Kurdî Abdullah Ocalanî azad bikerê do xo ver bidê.