Gerîlayê HPGyî Denîz Araratî Komployo Mîyanneteweyî, xoverdayîşê Heftanînî û hêrişê dewleta tirke ANFyî rê ercnayî.

Gerîla Denîzî vat: ''Armancanê komployî ra yew zî destvistişê Rojhelatê Mîyanênî bi. PKK û Rayaber Apo verê nê armancî de sey asteng bîyî. Coka hêzanê komplogeran waşt ê tasfîye bikerê. PKK 40 serrî yo ke vera dewleta tirke ya îşxalkere têkoşîn keno û PKKyî cergê DAÎŞî yê ke bibî baleya sereyê dinya çin kerdî. Coka hêzê komplogerî neçare mendî ke hêzanê Rayber Apoyî reyde pê bikerê.

Artêşa tirke nika Heftanîn de sendromê şerî ancena. Dewleta tirke tim propaganda kena û vana ke ê PKK hê qedînenê. Labelê PKK roje bi roje beno pîlêr. Gerîla metod û taktîkê xo kerdî xurtêr. Dewleta tirke warê mîyanneteweyî de teng bîye coka hêrişê gerîlayan kena. Labelê planê ci pûç benê.

Metodê neweyî yê gerîlayan Heftanîn de eşkera bi. Nê metodî teknîkê dişmenî zî pûç kerd. Ma dî ke leşkerê nêeşkenê Heftanîn de vera gerîlayan şer bikerê. Hemleya 'Wext Wextê Azadîye yo' têna hetê gerîlayan ra nêna caardene. Serra 2012î de ma bi têkoşînêkê winasênî dişmen berdî verê Rayber Apoyî. Seba ke komplo û îşxalê dewleta tirke do bêrê çinkerdene ma do xoverdayîşê xo xurtêr bikerê.''