Kampa Multecîyan a Şehîd Rûstem Cûdîyî (Mexmûr) de serkêşîya Meclîsê Îştarî eşkerayîyêke ameye dayene û eşkerayîyêke vera hêrişanê kîmyewîyan ê dewleta tirke nêrazîbîyayîş ame mojnayene.

Eşkerayîye Dezgehê Keyeyanê Şehîdan de ameye dayene. Deqayêkê rêzgirewtişî ra dima Endama Îdareyê Meclîsê Îştarî Ezîze Tîmur eşkerayîye wende. Ezîze Tîmur vist vîrî ke di menganê peyênan de 17 gerîlayî hêrişanê kîmyewîyan de şehîd bîyê. Ezîze Tîmur ard ziwan ke  ê heta peynî hetê xoverdayîşê gerîlayan de yê û venga pêro kesan da ke wayîrê gerîlayan vejîyê. Ezîze Tîmur venga dezgehanê mîyanneteweyîyan da ke wa herême de şuxilnayîşê çekanê kîmyewîyan ser o cigêrayîş bikerê.

Eşkerayîye pê sloganan qedîyaye.