Serrgêra Terteleyê Dêrsimî de qurbanî pê çilayan û lawikan ameyî yadkerdene. Meydanê Seyîd Rizayî yê Dêrsimî de seba qurbananê Terteleyî çilayî ameyî tavistene û lawikî ameyî vatene.

Wekîlê HDPyî yê Dêrsimî Alîcan Onlu, hunermendî Metîn Kemal Kahraman û Zeynepe Kiliç û temsîlkarê partîyan û rêxistinanê komelê sivîlî zî tewrê merasîmî bîyî. Merasîm de verê peykerê Seyîd Rizayî de çilayî ameyî tavistene.

Merasîm de Metîn Kahraman û Zeynepe Kiliç lawikî vatî.

Ocaxê Kureyşanî ra Kadîr Bulutî gulbang da û nîyazî ameyî vilakerdene.