Dêrsim de çalakîya vera qeyûman ê Amed, Wan û Mêrdînî  vizêr roja 3. de dewam kerde. Çalakîya ke Meydanê Seyîd Rizayî de ameye viraştene  hemserekê HDP’yî yê Bajarî Ozleme Toprake û Hidir Çîçek zî tewrê ci bîyî.

Çalakîye de vervatoxê Meclîsê Cinîyan ê Partîya Şaran a Demokratîke (HDP) Nûrşat Yeşîle qisey kerd.  Yeşîle qeyûmî vera îradeyê şarî sey derbeyêka sîyasîye name kerdî û va: ‘‘Na tena meseleya HDP’yî nîya.  Na meseleya heme kesan ê ke demokrasî û azadîye wazenê ya. Coka ganî heme hetê ke  demokrasî wazenê vera qeyûman vengê xo berz bikerê.‘‘