Meyîtê şîwanê vînbîyayeyî ame dîyene
Qezaya Çemizgezekî ya Dêrsimî de pereyî ra nata şîwanê afganî ra xeberêke nêameyêne girewtene. Vizêr meyîtê şîwanî Gola Awbendê Kebanî de ame dîyene.
Deweka Urikî ya qezaya Çemişgezekî ya Dêrsimî de şîwano afgan Kerîm Şerbed (30) 13ê teşrîna verêne de vîn bibi. Cigêrayîşan ra dima kincê şîwanî vizêr şewdir kişta Gola Awbendê Kebanî de ameyî dîyene.
Cigêrayîşê binê awe ra dima meyîtê şîwanî ame dîyene. Cenazaya şîwanî seba otopsî wedarîyaye morgê Nêweşxaneyê Çemişgezekî. Derheqê serebûtî de tehqîqat dewam keno.
