Gerîla Kurdistane Nesrîn teşrîna peyêne ya 1998î de vera Komployê 15ê Sibate yê serê Rayberê Şarê Kurdî Abdullah Ocalanî Êlih de bedenê xo da adirî ver. Kurdistane dima tepişîyaye û wexto ke zîndanî ra vejîyaye tewra PKKyî bîye. Kurdistane derheqê çalakî û armancê xo de ANFyî rê qisey kerd.

Gerîla Kurdistane Nesrîn vat: ''Her çiqas Rayberê ma binê tecrîdî de yo fikrê ci pêro dinya ra vila bîyê.

O çax ez girêdayîya Rayberîye bibî. Mi watêne ganî ma çîyêk bikerê. Coka 1998 de merkezê Êlihî de mi embazanê xo reyde pê şîarê 'Şima nêeşkenê tîja ma tarî bikerê' çalakîya xo ya vêşnayîşî kerde. Mi armanc kerd ke sey cinîyêka kurde dormeyê Rayberîye de biba çember. Mi waşt ez vera tehlukeyan vindera. Mi o çax têgêrayîş de ca nêgirewtêne. La mi waştêne sey Sema, Zekîye Alkan, Selamete Menteş, Rewşene Demîrel teqîb bikera. Wexto ke mi çalakîya xo kerde ez 18 serre bîya. Wexto ke mi çalakîye kerde mi rê mudaxele ame kerdene. Dima ez tepişîyaya. Zîndan de mi sey xo embazî şinasnayî. Embazan wexto ez dîya, ê mat mendî.  Çunke ê şorigêr bîyî. La çewî mi rê nêvat ke çalakîye bikera. Dişmen zî mar mendbi û mi rê persa kamî fermanê çalakîye dayo. La çalakîye bira mi bîye. Mi waşt ke vera tehlukeyan rawurza û xo wela xo ra newe ra biaferna.

Babîyê mi, mi rê vat 'Eke mi bizanayêne ti çalakîya winasêne kena mi hetkarîya to kerdêne.' Nê vateyanê babîyê mi hêz da mi. Wexto ke Rayberîye tepişîya ez zîndan de bîya. Zîndan û her ca de çalakîyî ameyêne kerdene. Ez serrêke zîndan de menda. Dima ke ez zîndanî ra vejîyaya ez bi mesuldarîyêka pîke tewra xebetan bîya. Mi waşt ez vera komployî cewabêk bida. Serra 1999î de ez tewra gerîlayan bîya. Mi xeyalê xo yê domanîye ard ca.

Ewro pêro dinya Rayberîye şinasnena û vana 'Biciwîyo Serek Apo.' Pê naye keyfê mi yeno. Hînî kurdî zî Kurdîstan zî şinasîyenê.

Seke Rayber Apoyî pawitişnameyanê xo de eşkera keno sîstemê kapîtalîstî rijîyenê. Ewro pêro Rojhelatê Mîyanênî  û dinya de merdimî seba azadîya Rayberîye çalakîyan kenê. Hemleya 'Wext wextê azadîye yo' do ser bikewa. Ma sey cinîyan ganî seba azadîya Rayberîye û şaran têkoşînê xo dewam bikerê.''