Mêrdîn de ke  8 taxê ci gêrîyayî binê karantîna hemwelatîyê rixmê vengdayîşê 'Keye de bimane' neçare manenê ke bivejîyê teber. Ame zanayene ke taxa Cumhurîyetî ya qezaya Mîdyadî ya Mêrdînî de hewteyêkî ra nata awe nêdîyena.Hemwelatîyan pare kerd ke taxe de ke nufusê ci 6 hezar o rixmê pêro muracatan zî meseleya awe dewam kena. Hemwelatîyan îfade kerd ke ê semedê vîrusê Korona ra biqesawet ê û seba ke awe bîyarê şinê çirikan yan zî bîran. Hemwelatîyî wazenê ke ganî meseleya awe cade bêra çareserkerdene.

Roniştoxanê taxe ra Çelîk Şîrînî vat: ''Her serre heman çi beno. Ma çend rey waştişnameyî dayî, gerre kerd la mesele dewam kena. Ma gêrenê Şaredarîye vanê 'Ma do bêrê' la mengêke ra dima yenê.  Merdimê nê rojanê vîrusî de seba ke awe bîyarê şinê cîranan yan zî bîran. Ma rê vanê 'keye de bimane' la awe nêdanê.''