Hunermendo Dêrsimij Mîkaîl Aslanî hesabê xo yê medyaya sosyale ser ra  semedê vîrardişê Terteleyê Dêrsimî bi vîdeoyêk mesajêk pare kerd û vat 4ê Gulane xo vîrî ra mekerê.

Aslanî vat: ''Hukmatê tirkî na roje fermanê Dêrsimî vet, coka na roje tarîxê ma de  roja sîyaye ya. Seserre nê hezar serrî zî ravêrî ma nê dejî xo vîrî ra nêkenê. ''

Mikaîl Aslanî bi klama "Hawa Derê Laçî" ya Dewrêş Babayî ya ke derheqê na roja sîyaye de ameya nuştene  qurbanê terteleyî yad kerdî.

Hawa Derê Laçî

Mi va yêman o Heqo yêman o
Şerê Dêsimî şerodê giran o
Henî bîya bira birayî ser o îfade dano
Ax dê wayî wayî way lemine
Ax dê wayî wayî roca şayî

Mi va hewrî vecayî hewrê sûrî
Sarê Dêrsimî ser ra bî vilayî
Vanê çewres çêna azabe destê jûbîni gureto
xo esto çemê na Muzurî

Şêrê wertê zav û zêçî şîn û şîvan o
Qemerê Cebrayîlî verê maxara de gino waro
xilêmale şêrê mino beran o
Va ela gos ro sernê vengê Îbisê Sêy Kalî yeno mîrê mi se vano
Va İbisê Sêy Kalî xo sanito dîyarê Pîr Xatûne
Hem dano pêro hem qeyda vano.

Îbîs Axayê mi ordî zor kerdo xo biçarne pê kemere
Ewro hucum kerdo qolê hetê Pêtere
Qersuna polate gina Îbis Axayê mi ro ordî koto dere
Nêzon kamî maya kore rê arda na xebere
Ax dê wayî wayî way lemine
Ax dê wayî wayî roca şayî

Îbis Axayê mi Valat ́î ver ra Şûyo Hîre
Lacê mi herme û bajî semernê kuto pê tabure
Mi va biko lerze meke raver meşo rew memire
Ordîyê hukmatê tirkî zaf o, dîna ma ser o kerda bi saca sûre
Ax dê wayî wayî way lemine
Ax dê wayî wayî roca şayî

Qesê û Mûzîk : Dewrêş Baba (Gimgim)
Arşîv : Hawar Tornêcengî