Komeleya Rojnamegeran ê Cinîyan ê Mezopotamya (MKG) raporê ''Binpaykerdişê Vera Rojnamegeran ê Cinîyan'' ê teşrîna verêne eşkera kerd.

Rapor de ame parekerdene ke hêriş û tedayê dewlete û îqtîdarî vera rojnamegerab zêdîyenê. 

Rapor de ame dîyakerdene ke teşrîna verêne de 6 rojnamegerî ameyê destbendkerdene, 5 rojnamegerî raştê gefan ameyê, 3 rojnamegerî zî raştê hêrişan ameyê, rojnamegere Melîke Aydin hepsê keyeyî de ya, 7 rojnamegerê cinîyî hema zî zîndan de yê, 5 rojnamegerî raştê kerdişanê xiraban ameyê, vera 3 rojnamegeran dewayî ameyê akerdene, cezaya zîndanî dîyaya 6 rojnamegeran, 1 rojnameger karî ra ameyo vetene, 126 tedeyîyê medyaya dîjîtale ameyê astengkerdene û 10 weşanî ameyê qedexekerdene.

Goreyê raporê MKGyî nê rojbamegerî hema zî tepişte yê: Elîfe Ersoy, Hatîce Duman, Lutfîye Burcu Kara, Selamete Turan, Tulaye Canpolat, Ozdene Kinik, Ozleme Seyhan.