Fermandarîya Qerargehê Merkezê Pawitişê Şarî (MPŞ) bi eşkerayîyêke çalakîyê Keşan û Dayîlanî yê gerîlayan fîraz kerdî. Eşkerayîye wina ya:

''Semedê Hemleyanê Şorişgêran ê Bazanê Zagrosî û Cengê Xabûrî ke 2021 de eyaletê ma tewrê ci bîyî hêzanê ma astêka dîyarkere de hemkarîya ci kerde. Şima zî tewrê xoverdayîşê pîlî yê Avaşîn, Zap û Metîna bîyî. Ma bi taybetî çalakîyanê şima yê Keşan û Dayîlanî fîraz kenê ke 30ê teşrîna verêne de ameyî kerdene û sembokê ruhê xoverdayîşî yê Werxelê, Girê Sorî, Mamreşo û Zendûra yê.

Nê çalakîyê ke yenê manaya îfadeyê tewirê ruhê Apogîrî Werxelê û Girê Sorî de bîyî gamê girîngî. Bi taybetî ruhê hêrişî yo ke temsîlê ci kenê, bîyî hemleyêke. Her çiqas Heftanîn de wextê apeyantişê na çalakîye de tay meseleyan ra şehîdî bîyî zî bi ruhêkê berzî yê hêrişî dişmen ame pirodayene, wird çalakîyan de hêzê ma şîyî serê dişmenî. No hetê temsîlkerdişê ruhê hêrişê nê operasyonêkê şorişgêrî ra sereberzî yo.

Coka sere de fermandarîyanê şima yê eyaletê Heftanîn û Xakûrkê ma embazanê ke tewrê nê çalakîyan bîyî û înanê ke kede daye fîraz kenê û hêvî kenê ke serkewtişê şima do dewam bikerê. Nê esasî ser o ma çalakîkeran û hêzanê eyaletî pêroyînan selam kenê, înan rê serkewtişî wazenê.''