Fermandarîya Qerargehê Merkezê Pawitişê Şarî (MPŞ) bi wesîleya serrgêra ronîyayîşê PKKyî eşkerayîyêka nuştekîye weşanaye.

Eşkerayîye wina ya:

''Famkerdişê raştîya PKKyo ke partîya şehîdan a, pê famkerdişê raştîya şehîdan mumkîn o. Şehîdê ma yê verênî Hakî Karerî ra nata heta şehîdanê ma yê çêran ê Hemleyanê Bazanê Zagrosî û Cengê Xabûrî Cûmalî, Rêber, Botan, Serhat, Hêjare, Zinarîn, Çavrê, Sarya, Şerzan, Bawer û şexsê embaz Şoreşî de ke Garê de bi estar, ma pêro şehîdanê Dewaya Azadîya Kurdîstanî bi rêzdarî û hurmetêkê pîlî yad kenê. Menga ronayîşê partîya ma teşrîna peyêne mengêka winayên a ke tede xoverdayîş geş bîyo. Na menge de şexsê embazanê ma yê şehîdan Delal Amed, Reşîd Serdar, Şîlan Kobanê, Yilmaz Dêrsim, Akîf Xizir, Azê Malazgîrt, Kerîm Şirnex û Hakî Riha de ma pêro şehîdanê teşrîna peyêne yad kenê. Wezîfeyê ma yo verên o ke ma dewaya azadîye ya şehîdanê xo biresnê serfîrazîye, têkoşînê azadîye yê şarê ma û yê pêro şaran biresnê serfîrazîye.

Ronayîşê PKKyî yeno manaya îlankerdişê manaya nameyê qedexekerdeyî û bira xoverdayîşê neteweyî ya. Ronayîşê partîya ma yeno a mana ke partîya ma şarê kurdî yo ke heqaretê erjanê ci ame kerdene, qij ame dîyene, tarîxî ra ame dûrvistene, cesaretê ci şikîya, bêsîyaset û bêpawitiş vera dîya rêxistin kerd.

Ronayîşê PKKyî têna seba şarê Kurdîstanî nê, seba pêro şaranê herêmîyan û seba pêro bindestan bi kila hêvîye. Têkoşînê azadîye, demokrasî û sosyalîzmî yo ke rayberîya partîya ma de geş beno, sere de şarê cîranî demokrasî vist rojdemê pêro şaranê herême û dînamîkanê komelkîyan, dima zî parçekerdişê statukoyê zordestî parçe kerd. Partîya ma PKKyo ke 27ê teşrîna peyêne ya 1987î de ronîyayo, kayê modernîteya kapîtalîste û kolonyalîzme parçe kerda û hêz da ke şarê bindestî reyna vejîyê serê rîyê tarîxî.

Rayber Apoyî PKK sey partîyêka cinîyan pênase kerd.Cinîyê ke cuye de kerdoxê tewr pîl ê û komel de çin hesibîyayî, tewirê Rayber Apoyî û ronayîşê PKKyî reyde reyna xo afernayo û nasnameyê xo vist destî. Xeta cinîyan ê azadan tewr vernîya xoverdayîşî de rayberîye kerde û têkoşînê ma yê partîye vist ser. Artêşa cinîyan a bi nameyê YJA-Starî, serkêşîya PAJKî de û nameyê KJKyî ser o cinîyan  konfederalîzmê demokratîkî kerd sîstem, no zî asta cinîyan ê azadan şorişê Kurdîstanî de bi her hawayî nîşan keno.

Partîya ma ya pîle xoverdayîşanê destanwarîyan rê bîye zemîn. Her serra ma ya têkoşînî şertanê zehmetan û zoran de aver şîye, bi hawayêkê qerardarî û fedayîtî xoverdayîş ame kerdene û têkoşînê ma resa heta ewroyî. PKKyo ke hêzê xo cewherê şaranê bindestan ra gêno, bi îradeyê xo yê xoserî bi pawitoxê azadî, demokrasî û edaletî. Partîya ma vera zulm, kolonyalîzm, zorbazîye sereyê xo çewt nêkerd, rûmet û erjê merdimîye, bi karakterê xo yê welatperwerî û sosyalîstîya demokratîke herême de bîye hêzo tewr dînamîk ê vurnayîşê komelî.

Partîya ma PKK bi coşê pîlî û qerardarî dekewena serra 44ine. Dişmen şexsê Rayberîya ma de pêro zîndanan de tecrîd, zulm û îşkenceyî zêdînayî, dînamîkanê demokratîkan ê şarê ma û welatê ma ser o tedayê xo zêdînayî, pê xeyalanê Osmanîya Newîye wazeno herême de bibo hêzo emperyalîst, mîyanê welat û teberê welatî de pê operasyonê îmha û îşxalî hêrişê xo vistî asta tewr cêre. Vera faşîzmî hêzê HPGyî dormeyê Rayber Apoyî de bîyî çember, sere de Avaşîn, Zap û Metîna pêro Kurdîstanî de hemleyî dayî destpêkerdene, bingeyê Hemleya 'Wextê Azadîye' ser o pêro plan û hesabê dişmenî pûç kerdî, têkoşînê ma gamêka bîne nêzdîyê serfîrazîye kerd.

Tarîxê PKKyî tarîxê têkoşînêko bêmabên o. Her serre têkoşîn de serkewtiş û qewimîyayîşê pîlî vejîyayî werte. Bêguman do serra 44. ya têkoşînê ma zî biba serra proses û têkoşînêkê pîlêrî. Seba serkewtişê qetî, têgêrayîşê bi plansazîya hîra sere de gerîlayî ganî nê dewrî de bi performansêkê pîlî û hostatî derbê giranî bêrê dayene dişmenî ro. Ma sey MPŞyî xeta serfîrazîya PKKyî de tacîdarkerdişê têkoşînê azadîya şarê ma her wextî ra zêdêr ciwîyenê. Esasê xoverdayîşî, azadîya Rayber Apoyî û azadîya şarê ma de ma kewenê serra newîye ya partîye. Ma pê tecrubeyê 44 serran û pê tewirê Rayberîye kadroyanê fedayîyan vejenê, her wextî ra zêdêr wayîrê wezîfeyanê xo vejîyenê.

Nê esasî ser o ma serra 44. ya ronayîşê partîya ma de sey neferanê azadîye yê caardişê armancanê PKKyî, pê pêro hêzê xo do wezîfeyanê xo yê nê dewrî bîyarê ca. Ma rayraşîyayîşê serfîrazîye de reyna serrgêra ronayîşê partîya xo ya pêro şarê xo, embazanê xo fîraz kenê. Ma serra newîye ya têkoşînî de her kesî rê serkewtiş wazenê.''