"Partîya ma PKKyî nêm seserra têkoşînê xo pê rêça şehîdanê ma yê ezîzan de heta ewro ame. Her şehadetî raştîya ke nêqedîyena,nêşikîyena, teslîmê nêbena û xo tim newe kena, bena gird û ver bi serkewtişî şina veta werte. Ma heme şehîdanê xo yê ezîzan ê ke nê heqîqetî pê gan û gonîya xo afernayî, bi rumet, nîmet û şukranî yad kedê û vanê ke ma do tim xeta şehîdan teqîp bikerê.

Partîya ma PKKyî serkêşîya Rayber Apoyî de têkoşînê xo yê  estbîyayîş û azadîye yê nêm seserre temam kerd û kewno serra xo ya 45ine. PKKyî nê wextî de hende averşîyayîşî vetî werte û şorişî kerdî ke PKK bi xo bîyo mîladêk. Kurdîstan û herême de heme aveşîyayîşî sey ver û peyê PKKyî yenê namekerdene. PKKyo ke pê îdeolojîya Apoyîye gaman erzeno Kudîstan de xeylêk averşîyayîşê şorişkî vetê werte, mîyanê şorişî de şorişî kerdî. Her çîya ver raştîya cinîya azade ya ke heme dinya ra bîya vila vete werte û cinîyê kurdî bi cuya azade dayê naskerdene. Şarê kurdî yo mazlûmo ke çîn hesibîyayêne û ameyêne waştene ke qoqê ci bêro wişkkerdene kerd zanaye û rêxistinkerde. PKKyî bi qerarê têkoşînê neteweyî şorişê ganîbîyayîşî kerd û raştîya şaro ke semedê azadîye û estbîyayîşê xo şer keno aferna. Partîya ma PKKyî Kurdîstan de şorişê komelkî yo tewr pîl kerd û bîyo partîya tewr dînamîk şorişgêre ya dewre ma û semedê şaranê bindestan bîye roşnîya hêvî.

Nê serkewtişî pêroyî pê têkoşînê şehîdanê ma ameyî destfînayene. Gerîlayê Azadîye yê Kurdîstanî vera hêrişê atêşa tirke yê ke vera Zap, Avaşîn û e Metîna dayo destpêkerde serrgêra 44. ya Partîya ma de têkoşîno bêhempa  aver berd û xeta şehîdan de bêteredutî fedayîtîye kenê. Tewiro fedayî yo Apoyîyo ke şexsê hemrayanê ma Sara Tolhildan Goyî û Rûkene Zelal vejîyayo serpilik, têkoşîno qehremankî yê Gerîlayanê Azadîye yê Kudîstanî yo ke Vakurê Kurdîstanî ra heta Herêmanê Pawitişî yê Medya, koyan ra heta metropolan bi hewayêke qerardarî yeno rayraberdene, îdîaya serkewtişî veto werte. Vejîyayîşo hemlekî yê Kurdîstanî hesab û planê dewleta tirke betal kerdî, rejîmo faşîst ardo bertengê rijnayîşî û ma serkewtîşî rê dahîna nêzdî kerdî.

Ma sey Hêzanê Pawitişê Şarê Kurdstanî ke çirey tewirê cuya Apoyîye û rayraşîyayîşê xeta şehîdan ra tewîz nêdanê, qerardar ê ke ma do têkoşînê estbîyayîş û azadîye yê şarê xo miheqeq biresnê serkewtişî. Ma amade yê ke semedê nê her qeyde bedelan bidê. Ma do bi cehdkerdiş û performansê dahîna pîlî û tempoyê serkewtişî şirê wezîfeyanê xo yê tarîxîyan ser. Ma reyna serra newî ya Partîya xo PKK yî heme şar û hemrayanê xo rê pîroz kenê, serra newî ya têkoşînê ci de serkewtiş wazenê."