Fermandarîya Qerargehê Merkezê Pawitişê Şarî (MPŞ) bi eşkerayîyêke fermandar û şerwanê Avaşîn û Girê Cûdîyî seba çalakîyanê înan ê serkewteyan fîraz kerdî. Eşkerayîye wina ya:

''Dewleta tirke nê wird serranê peyênan de bi hawayêkê hîrayî hêrişê Başûrê Kurdîstanî kena ke uca îşxal bikera. Xoverdayîşo destanwarî yê gerîlayanê azadîye, caardişê gerîlatîya dewrê neweyî û asta caardişê metodê şerî yê tîmanê hereketînan û şerê tunelan bîyî astengîya tewr pîle ya verê îşxalî. Gerîlayan pê xoverdayîşê xo yê fedayî û performansê xo yê şerî heman wextî de netîceyê girîngî zî afernayî.

Na çarçewe de çalakîya tîmanê hereketînan ê Avaşînî ya ke 8ê êlule de Mamreşo de bi ruhê Apogîrî dabî dişmenî ro, çalakîyêka serkewte ya metodê pirodayîşî ya. Yewinêka îşxalkeran verî gêrîyaye binê kontrolî, dima bi çalakîya bikoordîne hîrê baskan ra derbê xurtî dîyayî dişmenî ro, 8 îşxalkerî ameyî cezakerdene û çalakîye bê vînîbîyayîşî qedîyaye. Na çalakîyêka serkewte bîye. Bi na çalakîye reyna ame mojnayene ke wexto ke metodê tîmanê hereketînan bi hawayêkê raştî bêra caardene netîceyêka winasêne visîyena destî. Seba ke na çalakîye seba qesasê şehîdanê Girê Sorî ameya kerdene hîna manadar a. Sere de pêro tîmanê hereketînan a na çalakîye ma fermandar û şerwananê na çalakîye fîraz kenê.

11ê êlule de Warê Xoverdayîşî yê Girê Cûdîyî de îşxalkerê ke xîret kerdêne debikewê zereyê tunelanê şerî verî gêrîyayî binê kontrolî dima zî pê dafike dîya înan ro û bi taktîkê sabotajî, hêriş û suîkastî reyna dîya înan ro. Na çalakîye zî çalakîyêka zaf serkewte ya. Na çalakîya bikoordîne ya Girê Cûdîyî  mîsalêka hole ya şerê koordîneyî ya. Ame fîyene ke wexto ke rayîr û metodî raşt bêrê caardene netîceyê xurtî visîyenê destî. Na çalakîya koordîne de tewr tay 12 îşxalkerî ameyî cezakerdene ke nînan ra yew payeberz bi, nameyê 10 îşxalkeran zî rayaumûmîye de ameyî parekerdene. Artêşa tirke têna çar kişteyê xo eşkera kerdî la dima vejîya werte ke xeylêk leşkerî kişîyayî û cenazayê înan zî netîceya hêrişanê artêşa îşxalkere de îmha bîyê. Bi nê hawayî ancî îsbat bi ke Erdogan û Hulusî Akarî senî çimê xo sûr kerdê, têna vera gerîlayan nê vera leşkranê xo zî sûcan kenê û wayîrê cenazayanê xo nêvejîyenê.  Fermandar û şerwananê na çalakîya Girê Cûdîyî raştîya şerî viste verê çiman, zûrê dişmenî eşkera kerdî û netîceyê girîngî vistî destî. Coka ma sere de tîmanê hereketînan û tunelan, pêro fermandar û şerwananê na çalakîye fîraz kenê.

Bi na wesîle şexsê şerwan û fermandaranê Hemleya Şorişgêre ya Bazanê Zagrosî û Şehîd Savaş Maraşî ya Cengê Xabûrî de pêro embazanê ke bi ruhê fedayî û fedakarî şer kenê, selam kenê û nînan ra serkewtişî wazenê.''