Fermandarîya Qerargehê Merkezê Pawitişê Şarî (MPŞ) bi mesajêkî serkewtişê gerîlayanê ke Hemleya Şorişgêre ya Şehîd Savaş Maraşî yê Cengê Xabûrî  de ca girewto, pîroz kerd.

Mesajê fermandarîye de ca dîya nînan: '' 25ê teşrîna peyêne de Warê Xoverdayîşî yê Girê Cûdîyî de hewt hetan ra vera îşxalkeran operasyonêko şorişgêro serkewte ame kerdene. No operasyono ke bi ruhê fedayîyî ame kerdene de 17 îşxalkerî ameyî cezakerdene û 10 mewzîyê dişmenî ameyî îmhakerdene.

26ê teşrîna peyêne de zî Girê Hakarî yê Metîna de vera îşxalkeran hîrê hetan ra operasyonêko şorişgêro serkewte ame kerdene. Bi ruhê fetîhî şi mewzîyanê îşxalkeran ser, 42 îşxalkerî ameyî cezakerdene û xeylêk çeke û malzemeno leşkerî ame destsernayene.

Sere de şexsê hemrayanê ma Adar, Heqî, Medya, Amed, Binevşe û Baranî de yê ke operasyonanê şorişgeran ê serkewteyan rê serkeşîye kerd û bi hewayêkê fedayîkî şîyî dişmenî ser û şehîd bîyî, ma heme şehîdan xo bi hurmet yad kenê.
Heme fermandar û şerwanê ke  Hemeya Şorişgêre ya Şehîd Savaş Maraşî yê Cengê Xabûrî ca girewt û kede daye, ma serkewtişê înan pîroz kenê.

Hemerayê ma yê ercîyayeyî;

Operasyonê serkewteyê ke şima kerdî, derbê girdî dayî plananê îşxalî û hesabanê îqtîdarî yê rejîmê faşîsî ê AKP-MHPyî ro. Pê rayîrê medyaya şerê taybetî kenê ke nê operasyonanê şorişgêran binimnê û şefê înan ê şerê taybetî cade semedê moralî vaz danê sînorî. Dîmenê operasyonî ameyî weşanayene û hêzê Gerîlayanê Azadîye yê Kurdîstanî û rewşa xirabe ya dişmenî fîna çiman ver. Têkoşîno ke gerîlayî bi aşman o domnenê bi ruhêkî hemlekî açarîya operasyonê şorişgêrî ke na merheleyêka newî ya. Heme hemrayê ma yê şervan û fermandarê ke tewrê nê operasyonanê şorişgêran bîyî ma înan pîroz kenê. Ma pê bawer ê ke ê do serkewtişanê dahîna pîlan bifînê dest.”