Sînorê Îranî girewte yo la reyna zî multecîyî ver bi Wanî yenê. Afganîstan, Îran, Iraq û welatanê Asyaya Mîyanêne ra ke rîskê Korona tede zêde yo, her roje bi seyan multecîyî yenê Wan.

Yeno vatene ke multecîyê ke yenê Wan kontrolê weşîye ra derbaz nêbenê. Otogaro merkezî yê Wanî yo ke her roje bi seyan merdimî yenê û şinê, seba multecîyan bi cayê şaristananê cîyayan.

Multecî û koçberanê ke raywanîyêka girane ra dima xo resnenê Wanî ca çin o ke tede bimanê. Bi şewe û roje Otogarê Wanî de manenê.

Multecîyan her roje bi mînîbusan otogarî ra şinê qezayanê Wanî. Ramitoxêkê mînîbusî vat: ''Ma her roje bi seyan merdimî Wanî ra benê Muradîye. Cuya înan ser o rîskêko pîl esto.

Selahîyetdarê dewleta tirke zî seba tebdîran tênêgêrenê. Roniştoxêkê/a Otogarê Wanî bale ante rewşa multecîyan ser û vat: ''Heqê înan o ke bi weşîyêka başe biciwîyê. La no wezîfe keweno milê dewlete. Derheqê na babete de tebdîrî nênê girewtene. Coka hem ma hem zî multecîyî binê rewşêka bitehluke de yê.''