Çalakîyê şermezarkerdişê destsernayîşê şaredarîyan ê HDPyî yê Gimgim, Kop û bajarekê Lîzî yê Mûşî hetê polîsan ra ameyî astengkerdene. Parlamenterê HDPyî Mensur Işikî vat, "Eke ê şar nas nêkenê ma zî înan nas nêkenê."
Mûş de polîsan, destûr nêda ke şar seba ke tayînkerdişê qeyûman ê Kop, Gimgim û Lîse şermezar biko çalakîye biko. Polîsan dormeyê bînaya Şaredarîya Kopî girewt û destûr nêda ke Parlamenterê HDPyî Mensur Işik, Hemsereka HDPyî ya Bajarî Aynur Sarica û hemserekê HDPyî yê qezayan zî tede HDPyîjî yê ke ameyî têhet eşkerayîye bikê. Polîsan sey semed zî ''qedexeyê walîtîye'' mojna. Naye ser o HDPyîjî derbazê bînaya HDPyî ya qeza bîyî û Parlamenter Mensur Işikî uca de eşkerayîye daye. Işikî pare kerd ke ê qeyûman do qet qebul nêkê û vat: "Ma na bêhuqûqîye nas nêkenê."
