Namzedanê Yewîya Hêzî ya Şorişgêre ya DêrsimîNûrşat Yeşîle û Hidir Demîrî “Teehudnameyê Şaristano ke Dostê Cinîyan o” ke hetê Komela Paştîdayîşê Namzedan ê Cinîyan (KA-DER) ra amebi amadekerdene, “Protokolê Şaristanî yo ke Seba Astengdaran Paştî dano” yê Konfederasyonê Astengdaran ê Tirkîya û “Teehudnameyê Şefafîye yê Îdareyê Cayîyî” yo ke hetê Komela Şefafîye ya Mîyanneteweyîye ra amebi amadekerdene banê HDP’yê bajarê Dêrsimî de îmza kerdî.

Namzedanê hemserekan ê Yewîya Hêzî ard ziwan ke ê do şaredarîkarîyêk ke waştişanê şarî xo rê esas gêna bica biyarê û vat protokolê ke hetê înan ra ameyê îmzakerdene ganî hetê heme şaredarîyan ra bêrê îmzakerdene.