Nazedê hemşaredarîye yê HDP’yî yê Kanîreşî yê  Çewlîgî Evîn Ozene û Ozkan Bîngolî  vanê ke şarê Çewlîgî zulm û zextê îqtîdarî ra eciz biyê û do na rey cewabêko rind sindoq de bidê ci.

Karê ma yo verên do viraştişê ‘Festîvala Vejîyayîşê Tije‘ bo

Ozkan Bîngolî bale ante  polîtîkaya hêrişkare ya hukmatî ser û va:‘‘  serekê şaredarîye yo ke nika kar ser o yo, tena xo bi îqtîdarî wasifeneno û semedê şarî çîyêk nêkeno. Ma wazenê ke sere de semedê ciwan û cinîyan semedê şarê xo xizmet bikerê. Waştişanê înan bîyarê ca. Kanîreş o ke merkezê heywankarîye ya de heywankarîye ameye qedînayêne. Ma do seba ke heywankarîye newe ra ganî bikerê gamanê pîtan bierzê. Şaredarîya ma kerda deyndar û şarî ra fînaya dûrî. Ma şaredarîye bi şarê xo ya pîya îdare bikerê û şarê xo nê zaliman ra bixelisnê.  Karê ma yo verên o ke ma Festîvala Vejîyayîşê Tije virazê‘‘

Ma zî sey dayîkanê xo qijanê xo do bi ziwanê xo pîl bikê

Evîn Ozene zî polîtîkaya dişmenîye cinîyan ya îqtîdarî arde vîrî û va:‘‘  Cinîyî komel ra raqilnayî, zere de heps kerdî. Ma meclîs û atolyeyanê cinîyan awan bikerê û cînîyan keye ra vejê. Bi awankerdişê bazaran ma do  kare destê cinîyan ramojnê û emegê cinîyan çiman verê rafînê. Reyna ma do kreşan abikerê û ziwanî dayîkî de perwerde bidê. Senî ke dayîkanê  ma bi ziwanê ma, ma  kerdî pîl, ma zî qijanê xo bi ziwanê dayîke pîl bikerê. Cinîyî vera zulmê hukmatî zaf dekerdeyî û wazenê ke bi veng û renê xo bibê. Ma zî semedê naye do xebetanê xo bike û bi şarê xo, xo îdare bikê  heme heqanê xo rê wayîr bivejê û bişuxulnê.‘‘