Temsîlkarê HDP’yî yê Hewlêrî Nasir Yagizo ke 187 rojî yo grevê vêşanîye de yo vengdayîşê Ocalanî ra dima çalakîya xo qedînaye.

Yagizî da zanayene ke o bi vengdayîşê Rayberê Şarê Kurdî Abdullah Ocalanî çalakîya xo qedîneno û va: ’’Ez çalakîya xo qedînena la mucadeleye ma nêqîdîya. Heta ke Rayberîya ma û Kurdîstan azad nêbê  do xoverdayîşê ma dewam bikero.’’

Reyna Mexmûr, Silemanî û Germîyan de zî çalakîyê grerê vêşanîye ameyî qedînayene. Mexmûr de  Fadîle Toke  127 û Kelar de Herêm Mahmûd 92 rojî yo ke grevê vêşanîye de bî. Silemanî de zî Merwan Memdûh Ozdemîr 14’ê Gulane ra nata rojeyê mergî de bi.