Merkezê Çapemenî û Îrtîbatî yê HPG’yî  hayîdarîyê nasnameyanê hîrê gerîlayan eşkera kerdî.

Eşkerayîye de nê ameyî parekerdene: ‘‘Ma ekerayîya xo ya 3’ê Êlule dabi pêhesanayene ke  operasyonê artêşa Tirkî yê 11,12 û 13’ê Tebaxe yê qezaya Kemahî yê Erzînganî de hîrê embazê ma şehîd bîyî. Nê pêkewtişan de fermandaro rayber Fîkrî (Ahmet Boyraz) û embazê ma Dilsoz ( Îslam Çelîk) û Kûrtay (Mahmût Demîrbag) tewrê kerwanê şehîdan bîyî.

Hayîdarîyê nasnameyanê  embazanê ma yê ke şehîd bîyî  wina yê:

Nameyê Qodî: Fikrî Bermal Name Peyname: Ahmet Boyraz Cayê Bîyayîşî: : Stenbol Maye-Pî: Zeycane – Yûsûf Tarîx û Cayê Şehadetî: 13‘ê Tebaxe 2019 / Erzîngan

Nameyê Qodî: Dilsoz Sarya Name Peyname: Îslam Çelîk Cayê Bîyayîşî: Mêrdîn Maye-Pî: Nazmîye – Suleyman Tarîx û Cayê Şehadetî: 11‘ê Tebaxe 2019 / Erzîngan

Nameyê Qodî: Kûrtay Nisêbîn Name Peyname: Mahmût Demîrbag Cayê Bîyayîşî: Mêrdîn Maye-Pî: Rukîye – Mehmet Şefîk Tarîx û Cayê Şehadetî: 13‘ê Tebaxe 2019 / Erzîngan

Hemra Fîkrî Tradîsyonê Xoverdayîşê Koçgîrî ra Ameyêne

Embazê ma Fîkrî Bermal serra 1978 de Stenbol de sey domanê keyeyêkê Koçgiriyijî ameyo dinya. Hemra Fîrkî yo ke tradîsyonê xoverdayîşê Koçgîrî ra yeno, vera sîstemê leyşinî yê dewleta Tirkî, bi cigêrayîşê heqîqet û cuya azade  1999 de verê xo dano koyanê Kurdistanî. Roja ke tewrê partîye bîyo ra nata xo bi îdeolojîya Rayberîye xurt kerdo û cewherê xasî, durustî û mutewazîyî yê Koçgîrî û cewherê şorişgêrî resnayo yewbînan. O bibi îfadeyê her tim tewrbîyayîşê bêhesabî û ramojnabi ke ganî senî kes bibo mîlîtan. Şexsîyetê êyo kedkar û fedakar bibi sebeb ke o tim mîyanê pratîkî de ca bigêro. Botan ra heta Wareyê Pawitişî yê Medya û heta Dêrsimî pratîk de ca girewt û serkewtişê muhîmî fînayî dest û kesîya farmandarê nimûne û rayberî afernaye. Hemra Fîkrî yo ke tewr peynî de Erzîngan de xoverdayîşêko xurt  dayene, bîyo fermandaranê rayberan ê fedaîyan ê mucadeleyê ma  ra yewe.

 Dilsoz Sarya  û Kûrtay Nisêbîn

Embazê ma Dilsoz Sarya û Kûrtay Nisêbîn zî dewro ke dewleta Tirkî ya îşxalkare bi hawayêkê barbarî hêrişê şarê ma kerdêne tewrê gerîlayan bîyê. Nê embazê ma yê ke koyanê Kurdistanî  de xoverdayîşêko gird de ca girewt, heta helmê xo yê peyênî bîyê wayîrê tewirêkê fedakarî.

Ma sere de keyeyê embazanê ma yê ke şehîd bîyê, heme şarê Kurdistanî yê welatperwerî rê serweşîye wazenê û ma soz danê ke ma do ercê ke embazanê ma bi keda xo vetê werte rê wayîr vejîyê, beyraqa şorişî ya ke înan ma rê emanet kerda berz kerê û bi adirê qesasî raywanîya xo bidomnê.”