HPGyî nasnameyê 3 şehîdanê Besta eşkera kerdî û vat: ''Nê embazê ma têkoşînê xo yê dewtanwarî de şehîd bîyî û bi hawayêkê tewr raştî bîyî PKK. Ma sere de keyeyanê înan ê ercîyayeyan rê pêro şarê Kurdîstanî rê serweşîye wazenê.''
Merkezê Îrtîbatî û Çapemenîye nasnameyê 3 gerîlayanê ke Besta de şehîd bîyî eşkera kerdî. Eşkerayîye wina ya:
''25ê nîsana 2022î de operasyonê dewleta tirke ya îşxalkere yê vera Besta de embazê ma Koçer, Berxwedane û Dijwar şehîd bîyî. Nê embazê ke bi kelecanêkê pîlî derbazê Besta bibî, pê tewirê xo yê qerardarî binê pêro şertan de zî bawerîya xo ya bi serfîrazîye pawite. Embazî Koçer, Berxwedane û Dijwar ê ke pêro fermandarê serkêşî bîyî, ma soz danê înan ke têkoşînê înan do bi serfîrazîye tacîdar bikerê.
Nasnameyê embazanê ma yê şehîdan wina yê:
|
|
Nameyê Qodî: Koçer Didêrî Name û Peyname: Naîm Îlçîn Cayê Bîyayîşî: Şirnex Maye-Pî: Ayşe – Mehmet Tarîx û Cayê Şehadetî: 25ê Nîsana 2022yî / Besta |
|
|
Nameyê Qodî: Berxwedane Amara Name û Peyname: Leyla Îldenîz Cayê Bîyayîşî: Îzmîr Maye-Pî: Nazdare – Faysal Tarîx û Cayê Şehadetî: 25ê Nîsana 2022yî / Besta |
|
|
Nameyê Qodî: Dijwar Cîzre Name û Peyname: Selîm Uslu Cayê Bîyayîşî: Şirnex Maye-Pî: Nefîye – Mehmet Tarîx û Cayê Şehadetî: 25ê Nîsana 2022yî / Besta |
Embaz Koçer Hezex de dadîya xo ra bîyo. Embaz Koçerî waşt ke Komployê Mîyanneteweyî ra dima tewrê gerîlayan bi la seba ke ciwan bi nêeşka. Embaz Koçer dima 2003 de dezayê xo reyde tewrê gerîlayan bi. Embaz Koçer cada paradîgmaya Rayberîye fam kerde. Ey xeylêk waranê Herêmanê Pawitişî yê Medya de gerîlatîye kerde û wezîfeyê fermandarîye ard ca. Reyna 2014-2016 de Vakurê Kurdîstanî de rixmê pêro zehmetîyan zî bi hişmendîyêka pîle têgêra. Dima o reyna agêra Herêmanê Pawitişî yê Medya. Ey têkoşînê xo yê 20 serrî de serkêşîya çalakîyanê girîngan kerdî, kedêka pîle daye têkoşînî. O bi qerardarî tewrê Hemleya Wextê Azadîye bi û verê xo reyna da warê Botanî yê Vakurî. Ma soz danê ke mîrasê ci yê têkoşînî biresnê serfîrazîye.
Embaze Berxwedana ke eslê xo de wanij a, Îzmîr de dadîya xo ra bîya. Embaze Berxwedane vera asîmîlasyonê kurdan ciwanîya xo de xebatan mîyanî de ca girewt û hetê rejîmê faşîstî ra erzîyaye zîndanan. Embaze Berxwedane dima ke zîndanî ra vejîyaye verê xo da koyan. Embaze Berxwedane wexto ke zîndan de bîye Rayberîye ci rê mektubêke şawite û vat: 'Eke ti eqlê xo perwerde bikere û formê xo zengîn bikere ti eşkena biba gerîlayêka pîle, biba Sarayêke.' Embaze Berxwedane nê perspektîfî ser o xo aver berd. Embaze Berxwedane perwerdeyan ra dima Herêmanê Pawitişî yê Medya ra derbazê Botanî bîye û tîya de wextêkê kilmî de serkewtişê pîlî vistî destî û bîye fermandarêka YJA-Starî.
Embaz Dijwar Cizîre de dadîya xo ra bîyo. Ey verî mîyanê xebatanê ciwanan de ca girewt û 2014 de Cûdî de tewrê gerîlayan bi. Embaz Dijwarî seba ke xo hîna aver bero giranîye daye perwerdeyan ser. Embaz Dijwarî xeylêk waranê Herêmanê Pawitişî yê Medya de şer kerd. Wextê xoverdayîşê xoîdarekerdişî de embaz Dijwar seba ke cewab bido hêrişanê dişmenî waşt derbazê Vakurî bibo la seba ke nêeşka ey verê xo da Botanî. Embaz Dijwar tim do ma rê serkêşîye bikero.
Nê embazê ma têkoşînê xo yê dewtanwarî de şehîd bîyî û bi hawayêkê tewr raştî bîyî PKK. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.''
