Merkezê Îrtîbatî û Çapemenîye yê HGPyî nasnameyê çar gerîlayanê ke Metîna de şehîd bîyî eşkera kerdî û nê pare kerdî:

''19ê nîsana 2022yî de hêrişê artêşa tirke yê vera Metîna de hemrayê ma Arîne, Sarîna, Simko û Çîya yê ke hîrê leteyanê Kurdîstanî ra semedê azadîya şarê xo tewrê refanê PKKyî bîyî, tewrê kerwanê şehîdan bîyî. Ma do rêçê hemrayanê xo yê şehîdan de têkoşînî bikirişê serkewtişî. 

Nasnameyê hemrayanê ma yê şehîdan wina yê:

Nameyê Qodî: Arîne Bargiran Name û Peyname: Riskiye Çakar Cayê Bîyayîşî:  Sêrt Maye-Pî: Suphiye - Abdulhamît Tarîx û Cayê Şehadetî: 19ê Nîsana 2022yî /Metîna

 

Nameyê Qodî: Sarîna Amed Name û Peyname: Cahîde Çetîn Cayê Bîyayîşî: Amed Maye-Pî: Mekiye - Bulent Tarîx û Cayê Şehadetî: 19ê Nîsana 2022yî /Metîna

 

Nameyê Qodî: Simko Serhildan Name û Peyname: Behzat Serhildan Cayê Bîyayîşî: Banê Maye-Pî: Zîbê – Hisên Omer Tarîx û Cayê Şehadetî: 19ê Nîsana 2022yî /Metîna

 

Nameyê Qodî: Çiya Serêkaniyê Name û Peyname:  Alî Hacî Cayê Bîyayîşî: Serêkaniyê Maye-Pî: Lîma - Halît Tarîx û Cayê Şehadetî: 19ê Nîsana 2022yî /Metîna

 

Arîne Bargiran

Hemraya ma Arîna ke eşrîê Akikî ra ya Sêrt de yena dinya û keyeyêkê koçerî de bena pîl.  Hema qictîya xo ra têgêrayîşê ma ra hes kena. 2014 de  xalê ci şerê pawitişê êzidîyan ê vera DAÎŞî de şehîd beno. Seba ke çeka xalê xo bîgêro xeyalê xo ana ca û Gabar de tewrê refanê gerîlayan bena. Semedê pawitişê şarê êzidîyan şina Şingal û vera DAÎŞî bi her guleyê xo qesasê cinîyan gena. Badê azadkerdişê Şingalî hêna verê xo dana koyanê azadan. Heftanîn de di serrî vera dewleta tirke şer kena û serkêşîya çalakîyanê serkewteyan kena. Xeta îdeolojîya cinîya azade de xo aver bena û bena layikê mîrasê Sara, Bêrîtane, Vîyane , Esmer û Mîzgînan.

Sarîna Amed

Hemraya ma Sarîna Çinarê Amedî de yena dinya û binê tesîrê tewirê polîtîkî yê Amedî de bena pîl. Rixmo ke Amed de ciwîyene ferq kena ke senî binê tesîrê asîmîlasyonî de menda û seba ke xo naye ra bixelisno  kewna cigêrayîşan dima.

2014 de verê xo da dana koyanê sereberzan ê Kurdîstanî û tewrê refanê gerîlayan bena. Cehd kena ke bi îdeolojî û paradîgmaya Rayber Apoyî xo texrîbatê dişmenî ra bixelisno. Hemraya ma Sarîna xo her hetî ra aver bena, hetê embazanê xo ra yena heskerdene û bena gerîlayêka serkewtîye.

Simko Serhildan

Hemrayê ma Sîmko bajarê Banê yê Rojhilatê Kurdîstanî de yeno dinya û seba ke keyeyê ci welatperwer o bi ercanê kurd û Kurdsîtanî beno pîl. Semedê cuyêka azade 2014 de tewrê refanê gerîlayan beno. Bi felsefeya Rayber Apoyî xo aver beno û sey gerîlayêkê serkewteyî tim beno serkêş. Cehd keno ke rêçê fermandaranê ma yê pîlan ra şehîd Simko Serhildano ke hem hetê îdeolojîkî hem hetê leşkerî ra têgêrayîşê ma rê taktîkê afernayoxî dayê qezenckerdene, de gamanê pêtan bierzo û xo biresno. Xeylêk xebatanê stratejîkan de ca geno û wezîfeyê xo bi serkewtişî ano ca.

Çîya Serêkanîyê

Hemrayê ma Çîya Serêkanîyê de yeno dinya û binê tesîrê Şorişê Azaîdye yê Rojawanî de meneno. Hemrayê ma Çîya 2016 de tewrê refanê gerîlayan beno û hela verêne ya tewrbîyayîşî ra cehd keno ke xo hem hetê îdeolî hem zî hetê leşkerî ra aver bêro. Seba ke esasanê gerîlatîya Modernîteya Demokratîke de bibo gerîlayêko profesyonel keda pîle dano.

Ma sere de keyeyanê erjîyayeyan  ê hemrayanê xo Arîne, Sarîna, Simko û Çîyayî û heme şarê welatperwerî yê  Kurdîstanî rê serweşîye wazenê û soz danê ke ma do têkoşînê hemrayanê xo yê şehîdan biresnê serkewtişî.''