Merkezê Îrtîbatî û Çapemenîye yê HPGyî bi nasnameyê gerîlayanê ke şehîd bîyî eşkera kerdî û nê vatî:

''13ê kanûna 2018î de hêrişê vera Herêmanê Pawitişî yê Medya de hemrayê ma Dîdare û Derya şehîd bîyî. Hemrayê ma Dîdare û Derya ke sey gerîlayanê YJA Starî  semedê îdeolojîya xelisnayîşê cinîyan keda pîle daye heta nefesê xo yê peyênî bi ruhê fedayî xover da. Hemrayê ma Dîdare û Derya sey bi têkoşînê xo do bi şehadetê xo zî tim verê ma roşn bikerê.

Ma sere de keyeyanê erjîyayeyan ê hemrayanê xo Dîdare û Derya heme şarê welatperwerî yê Kurdîstanî rê serweşîye wazenê û soz danê ke ma do vîrardişê şehîdanê xo mîyanê têkoşînê xo de bidê ciwîyayene.

Nasnameyê embazanê ma yê şehîdan wina yê:

Hemraya ma Dîdare Colemêrg de keyeyêkê welatperwerî de yena dinya û hema qîjtîya xo de partîya ma PKKyî nas kena. Hemraya ma Dîdare vera poltîkayanê asîmîlasyon û qirkerdişî yê dewleta işxalkere mîyanê xebetanê ciwananê şorişgêran de cayê xo gena. Mîyanê xebetan de paradîgmaya azadîya cinîyan a partîya ma dahîna rind fam kena  û badê hîrê serran xabetanê ciwanan ra verê xo dana koyanê azadan ê Kurdîstanî. Hemraya ma Dîdare 2013 de Vakur de tewrê têgêrayîşê ma bena û perwerdeyê xo yê verênî Herêmanê Pawitişî yê Medya de gena. Perwedeyê xo pratîk de ana ca û bena gerîlayêka serkewtîye ya YJA Starî.

Hemraya ma Derya Cizîra Botan de yena dinya bi kulturê kurdan bena pîl. Hîkayeyê gerîlayanê ke qîjtîya xo de goştarî kerdî binê tesîrê înan de menena. Hemraya ma Derya ya ke heşt serrî mektebanê asîmîlasyonî yê sîstemî de wanena tim wayîrê ziwanê dayîke vejîyena û seba ke ziwanê ci qedexeyo tim hêrsê ci zafêr beno û 2015 de tewrê sefanê Têkoşînê Azadîye yê Kurdîstanî bena. Herêmanê Pawitişî yê Medya perwerdeyê verênî gena û dima ra waranê cîya cîyayan ê Herêmanê Pawitişî yê Medya de xebatanê şorişî rayra bena. Hemraya ma Derya  tewrê perwerdeyê pîsporîye bena û hem hetê leşkerî hem zî hetê îdeolojî ra xo aver bena. Hemraya ma Derya bado ke sey gerîlaya serkewtîye ya YJA Starî perwerdeyê xo qedînena pratîk de ca gena.''