Merkezê Çapemenî û Îrtîbatî yê HPG’yî da pêhesnayene ke 8’ê Gulane de Mêrdîn de di gerîlayî şehîd bîyî û nasnameyê înan eşkera kerdî.

Eşkerayîye de ca dîya nînan: ’’Ma eşkerayîya xo ya 13’ê Gulane de dabi zanayene ke 8’ê Gulane de herêma Çalê ya qezaya Mehsertî ya Mêrdînî de mabênê yewîyêka ma û leşkeranê îşxalkaran de pêkewtiş vejîya. Bado zî yewîya gerîlayan herêma Tehnavê de zî kewte pêkewtişêk. Embazê ma Sema (Hatîce Îbrahîmpûre) û Agirîne (Hanim Çelîke) vera dişmenî heta guleyê xo yê peyên bi qehremankî şer kerd û tewrê kerwanê şehîdan bîyî.

Nasnameyê gerîlayanê ke şehîd bîyî wina yê:

Hemra  Sema ya ke 1991 de bajarê Maku yê Rojakewtena Kurdistanî de ameye dinya, dimayo ke mucadeleyê Rayber Apoyî û Gerîlayê Azadîye yê Kurdistanî yê vera politikaya qirkerdişê dewleta Tirkî nas kerd verê xo da koyanê Kurdistanî. Hemra Sema ya ke sey kênayêka Azarî serra 2006’î de tewrê sefanê PKK’yî bîyî rêça Rayber Apoyî de semedê şarê xo bi qerardarîya girde heta şehadete xo mucadele kerde.

Embaza ma Agirîn Tekoşîne ke 1990 de  keyeyêko welatperwer yê Mêrdînî de ameye dinya, serranê xo yê ciwan de Mucadeleyê Azadîye nas kena û vera hêrişê qirkerdişî yê dewleta Tikrî serra 2014’î de cayê xo mîyanê gerîlayê azadîye de gêna. Hemra Agirîna ke heme wezîfeyê xo bi serkewtişî ardî ca, çarçeweyê îdeolojîyê cînîya azade yê Rayberîye de xo resnaye û verê  xo da herra xo. Tîya vera dişmenî bi mucadeleyê qehremenkîyî heta şehadetê xo semedê azadîya şarê xo şer kerde.

Embazê ma Sema û Agirîne  8’ê Gulane de bi şerkerdişêkê qehremankîyî tewrê kerwanê şehîdan bîyî. Ma sere de merdimê şehîdan ê erjayeyan heme şarê Kurdistanî yo welatperwerî rê serweşîye wazenê û soz danê ma do waştişê şehîdan biresnê serfirazîye.’’