Merkezê Îrtîbatî û Çapemenîye yê HPGyî nasnameyê 4 gerîlayanê ke Werxelê de pê çeka kîmyewîye ya artêşa tirke şehîd bîyî eşkera kerdî. Eşkerayîye wina ya:

''Artêşa tirke ya îşxalkere şerê vera Zap, Avaşîn û Metîna de nêeşkaye netîce bigêra û bin kewte. Semedo ke nê binkewtişî binimna pê şuxilnayîşê çeka kîmyewîye sûcê şerî kerd. Vera pêro metodanê gemarinan ê artêşa îşxalkere embazanê ma Hêvîdare, Yerîvane, Binevşe û Adilî Warê Xoverdayîşî yê Werxelê de rayberîya Fermandar Cumalî Çorumî de pê îradeyê Apogîrî şer kerd û tewirê çêrîye pêşkêş kerd. Nê embazê ke 4ê hezîrane ta nata pê ruhê 14ê Temmuze Werxelê de xo ver dayêne bombardumanê çeka kîmyewîye yê artêşa tirke ya îşxalkere de 10ê teşrîna verêne de şehîd bîyî. Ma embazanê xo yê ke pê ruhê Apogîrî şer kerd bi rêzdarî yad kenê û soz danê ke artêşa tirke ra qesasê înan bigêrê.

Nasnameyê embazanê ma yê şehîdan wina yê:

Nameyê Qodî: Hêvîdare Tirbespiyê Name û Peyname: Ala Xidir Xelef Doğum Yeri: Tirbespiyê Maye-Pî: Xerma – Xidir Tarîx û Cayê Şehadetî: 10ê Teşrîna Verêne ya 2021î / Avaşîn

Nameyê Qodî: Yerîvane Kato Name û Peyname: Makbule Kılıç Doğum Yeri: Şirnex Maye-Pî: Adîle – Emîn Tarîx û Cayê Şehadetî: 10ê Teşrîna Verêne ya 2021î / Avaşîn

Nameyê Qodî: Binevşe Çiya Name û Peyname: Sema Sumbul Doğum Yeri: Erzirom Maye-Pî: Gultene – Abdulhamît Tarîx û Cayê Şehadetî: 10ê Teşrîna Verêne ya 2021î / Avaşîn

Nameyê Qodî: Adîl Gabar Name û Peyname: Yakup Kizilaslan Doğum Yeri: Wan Maye-Pî: Sakîne – Abdullah Tarîx û Cayê Şehadetî: 10ê Teşrîna Verêne ya 2021î / Avaşîn

Embaze Hêvîdare şaristanê Tirbêsipîyê yê Rojawanî de dadîya xo ra bîya. Keyeyê ci wexto ke Sûrîye de bi Rayberîye şinasnabî. Embaze Hêvîdare zî bi tesîrê Rayberîye 2013 de tewra gerîlayan bîye. Embaze Hêvîdare mîyanê gerîlayan de kesayetê xo aver berd û bîye milîtanêka marîfetîne. Embaze Hêvîdare xeylêk pratîkan ra dima derbazê herêma Avaşînî bîye. Embaze Hêvîdare Warê Xoverdayîşî yê Werxelê de tewr vernî de ca girewt. Dewleta tirke ya îşxalkera ke pê xoverdayîşê gerîlayanê azadîye nêeşkaya muracatê çeka kîmyewîye kerd û nê hêrişê kîmyewî de embaze hêvîdare şehîd bîye. A do biba sebeb ke embazê ci zêdêr têkoşîn bikerê.

Embaze Yerîvane qezaya Elkê ya Şirnexî de dadîya xo ra bîya. A binê tesîrê embazî û têkoşînê partîye de mende û tewra gerîlayan bîye. Embaze Yerîvane semedo ke biba cinîyêka azade tim xîret kerd. Aye Zagrosan ra heta Herêmanê Pawitişî yê Medya xeylêk waran de têkoşîn kerd û pêro mesuldarîyê xo bi hişmendîyêka pîle arde ca. Aye vera DAÎŞî xoverdayîşê Şingalî de zî ca girewt û resaye rûmetê qedînayîşê DAÎŞî. Embaze Yerîvane tewr peynî Avaşîn de xoverdayîşê vera kolonyalîzmê tirkan de ca girewt, xeylêk çalakîyan de derbê giranî dayî dişmenî ro û bi nê hawayî hêrsê xo yê vera dişmenî mojna.

Embaze Binevşe Erzirom de dadîya xo ra bîya. Embaze Binevşe vera hêrişanê qirkeran ê dişmenî sey cinîya kurde verê xo da koyanê Kurdîstanî. Embaze Binveşe tewrbîyayîşê xo ra wextêkî dima şerê Şingalî yê vera DAÎŞî de ca girewt. Şerê Şingalî ra dima a derbaza koyanê Kurdîstanî bîye û perwerdeyê îdeolojîkî û leşkerî ra dima bîye fermandarêka YJA-Starî. Embaze Binevşe 2020 ra dima Avaşîn de tewra pêro pratîkan bîye û bîye wayîra kedêka girane. Aye tewr peyên Warê Xoverdayîşî yê Werxelê de tewra şerê rûmetî bîye û rixmê hêrişanê dişmenî zî tewirê xo yê rûmetênî ra fek vera nêda. Embaze Binevşe nê şerî de sey fermandarêka YJA-starî rolê xo heta peyên ard ca.

Embaz Adil Wan de dadîya xo ra bîyo. O semedo ke xeyalanê xo bîyaro ca ciwanîya xo de tewrê gerîlayan bi. Embaz Adil sey gerîlayêkê ciwanî xeylêk cayan de mend û xeta Modernîteya Demokratîke de bi gerîlayêko serkewte. Embaz Adilî vera operasyonê îşxalî yê artêşa îşxalkere de Mamreşo, Aris-Faris û Werxelê de ca girewt û bêteredut şi serê dişmenî. Embaz Adilî Warê Xoverdayîşî yê Werxelê de rixmê hêrişanê bi çeka kîmyewîye û gazê jehrînî zî xoverdayîşêko pêhempa kerd. O pê rîhuyayei kede, tewirê xo yê fedayî do bêro vîrardene.

Embazê ma Hêvîdare, Binevşe, Adil û Yerîvane do tim sey muşteyê serfîrazîye bêrê vîrardene. Ma sere de keyayanê ercîyayeyanê embazanê xo rê pêro şarê welatperwerî yê Kurdîstanî rê serweşîye wazenê.''