Merkezê Îrtîbatî û Çapemenîye yê HPGyî nasnameyê gerîlayêkî eşkera kerd ke 7ê temmuze de Avaşîn de hetê artêşa tirke ya îşxalkere ra pê gazê kîmyewî û jehrînî ame şehîdkerdene.

Eşkerayîye wina ya:

''Gerîlayanê Azadîye yê Kurdîstanî yê ke vera hêrişanê barbaran ê artêşa tirke ya îşxalkere xoverdayîşê tewr bêhempayî yê tarîxî kenê, tarîxê azadîya şaran de rîpelêko newe akerd. Gerîlayî pê gerîlatîya moderne û şerê tunelan Herêma Avaşînî de artêşa tirke ya îşxalkere bin kenê. Artêşa tirke ya îşxalkere pê gerîlayan nêeşkena coka vera înan metodanê bêmerdimîye û teknîkê xo heta peynî xebitnena. Rixmê ney zî gerîlayê azadîye pê îmkananê kêman têkoşîn kenê û îradeyê Apogîrî îsbat kenê. Artêşa îşxalkere nê xoverdayîşê gerîlayan de resaye verê rijîyayîşî vera gerîlayan çend reyî gazê jehrînî û kîmyewî xebitnayî, Warê Xoverdayîşî dayî bombayan ber. Netîceya nê gazê kîmyewî û jehrînî de embazê ma Baz 7ê temmuze de şehîd bi. Embaz Bazî destpêkê hêrişanê îşxalî ra nata tim tewr vernî de ca girewt, bi rayberê Xoverdayîşê Girê Sorî, derbê giranî dayî dişmenî ro. O sey kiriştoxê alaya serfîrazî tim tarîxê rûmetînî yê şarê ma de pê rêzdarî bêro vîrardene.

Nasnameyê embazê ma yê Bazî wina yo:

Nameyê Qodî: Baz Gever Name û Peyname: Firat Şahîn Cayê Bîyayîşî: Colemêrg Maye-Pî: Fermane – Kerem Tarîx û Cayê Şehadetî: 7ê Temmuza 2021î / Avaşîn

Embaz Baz Gever de dadîya xo ra bîyo. Embaz Bazî binê tesîrê PKKyî de mend û sey ciwanêkê kurdî tewrê gerîlayan bi. Embaz Bazî vera zulmê DAÎŞî yê serê Şingal û Rojawanî komanê verênan ê têkoşînî de ca girewt. Embaz Bazî rixmo ke di reyî warê şerî de birîndar bi têkoşînî ra tawîz nêda. Dima ke Şingal ame xelisnayene 2018 de o rena agêra koyanê Kurdîstanî û Avaşîn de têkoşînî rê dewam kerd.

Embaz Baz bi taybetî serranê 2019-2021î de tewrê xeylêk çalakîyan bi. Ey tecrubeyê xo nê prosesî de embazanê xo reyde pare kerdî. Embaz Bazî Avaşîn de rayberîya xeylêk çalakîyan ê serkewteyan kerde. Ey Warê Xoverdayîşê Werxelê de mesuldarîyê giringî ardî ca û kedêka pîle daye.

Sere de keyeyê ci yê ercîyayeyî rê ma pêro şarê welatperwerî yê Kurdîstanî rê serweşîye wazenê. Ma soz danê ke qetî do Rayberîya Azade û Kurdîstanê Azadî awan bikerê.''