Nasnameyê şehîdêkê Zapî ame eşkerakerdene
HPGyî eşkera kerd ke gerîlayêk Zap de şehîd bîyo û vat, "Hemrayê ma Xebatî Zap de vera hêrişê îşxalî bi hewayêkê qehremankî şer kerd û heme wezîfeyê xo bi serkewtişî ardî ca."
Merkezê Îrtîbatî û Çapemenîye yê HPGyî eşkera kerd ke gerîlayêk Zap de şehîd bîyo û nê pare kerdî:
"Hemrayê Xebat Turkmek 23ê adara 2024î de herêma Şehîd Delîlî ya Rojawanê Zapî de hêrişê dişmenî de şehîd bi. Hemrayê ma Xebatî bi heme hucreyanê xo emre xo semedê têkoşînî da. Herêma Şehîd Delîlî ya Rojawanê Zapî de cayêko hemrayê ma Xebatî pay cinênayo nêmend û ey xeylêk mewzîyan de têkoşîn kerd û wezîfeyê xo yê demî bi serkewtişî ardî ca.
Ma sere de keyeyê ci yê erjîyayeyî heme şarê xo rê serweşîye wazenê û soz danê ke ma do têkoşînê azadîye xurtêr bikerê waştişê embazanê xo yê şehîdan bîyarê ca.
Nasnameyê hemrayê ma Xebat Turkmenî wina yo:
|
|
Nameyê Qodî: : Xebat Turkmen |
Hemrayê ma Xebat Turkmen sey ewladê dayîka tirkmene û babîyê erebî Reqa de yeno dinya û gama ke çeteyanê DAÎŞî Reqa îşxal kerd û soz dano ke do hesabê nê kerdişan biperso. Wexto ke keyeyê ci 2016 de zextê çeteyan ver remeno şino dewa Hamam Turkmenî ya Girê Sipî o hêzanê azadîye yê Rojawanî nas keno û mîyanê rewfanê têkoşînî de cayê xo geno. Hemrayê ma Xebat dima ra verê xo dano koyanê azadan ê Kurdîstanî û 2022yî ra herêma Girê Amediyê de tewrê prosesê şerî beno û bêteredutî şer keno. Tewr peynî de 23ê adare de vera dişmenî bi hewayêkê qehremankî şer keno, heta nefesê xo yê peyênî pabesteyê erjanê xo maneno û tewrê kerwanê şehîdan beno."
