Merkeze Çapemenî û Îrtîbatî yê HPG’yî da zanayene ke hêrişê artêşa Tirkî yê serê herêma Xinêre ya pabesteya Xakurkê de gerîla Yûsûf Aslan (Aslan Kalkan) şehîd bîyo û derheqê ci de nê pare kerdî:

‘’Hemra Yûsûfo ke 1975 de qezaya Sarizî ya Qeyserî de ameyo dinya serra 1992 de  koçê Ewropa keno û ûca de têgêrayîşî azadîye nêzdî ra nas keno. Yûsûfo ke çalakîya Zîlane (Zeynep Kinaci) ey ser zaf tesîr keno, 1997 de verê xo dano koyanê Kurdîstanî û tewrê sefena Gerîlayê Azadîye yê Kurdîstanî beno. Xakurkê ya pîya Şehîdan û Garê de xeylî wext mecadele keno û bi hemleya 1’ê Hezîrane  verê xo dano eyeletê Amedî. 6 serrî  Amed de morê xo dano binê xeylî xebatanê muhîman ro û  dime ra agêrêno Wareyê Pawitişî yê Medya. Hemra Yûsûf gerîlatîya xo ya 22 serran de semedê xizmetê şarê xo zaf güreye zehmet û bierj ardî ca. Hemra Yûsûf bi kesîya xo ya çalakgere û sadeye hetê embazanê xora zaf ameyêne heskerdene. Beyraqa mucadeleyî  ke hemra Yûsûfî ma rê dewr kerd ma do biresnê serkewtişî. Na çarçewe de ma sere de keyeyê Kalkanî heme şarê Kurdîstanî rê serweşîye wazenê û sozê serkewtişî newe kenê.’’