Parlemento de seba weçînayîşê serekê neweyî yê Herêma Kurdistanî ya Federale raydayîş ame kerdene.

Serekwezîr Barzanî 68 rayî girewtî. Parlemento de 111 kursî estê û 88 parlementerî amade bîyî. YNK’yî roniştiş boykot kerd.

Nêçîrvan Barzanî bi sereko dîyin.

Mabênê serranê 2015-2017 de Mesût Barzanî no wezîfe ardêne ca. Rixmo ke wezfeyê ey qedîyabi, wextêko derg wezîfe de mend. Peynîya serra 2017 de referandûmê xoserîye de ‘heya’ vejîya û Kerkûk sere de xeylî cayî destê înan ra şîyî. Dimayê nê referandûmî yo ke vernîya vîndîkerdişê sîyasî û erde akerde, Mesût Barzanî bi hawayêkê ‘fermî’ fek wezîfeyî ra verdabi.

Dimayo ke serra 2006 de PDK û YNK’yî serê yewîya serdestîye de têsere kerdîbî, Nêçîrvan Barzanî bibi Serekwezîr. Bado Berhem Salîhî yê YNK’yî bibi Serekwezîr. Nêçîrvan Barzanî serra 2012 de reyna bibi Serekwezîr.