Newroza Wanî de posterê Rayber Apoyî yo gird ame akerdene û xeylê wext warî de ame  çarnayene. Gama ke poster ame akerdene vengê slogana "Bijî Serok Apo" bi berz.

Hemserekê Pêroyî yê DBPyî Keskin Bayindirî vat, ''Nê warî de posterê Birêz Ocalanî est ê la ma wazenê ey tîya fîzîkî bivînê.''

Hemsereka Pêroyî ya DEM Partî Tulaye Hatimogullari ke tîya qisey kerd, bale ante vengdayîşê tarîxî yê Rayber Apoyî ser û vat, ''No vengdayîş vengdayîşê xelisnayîşê 85 mîlyon hemwelatîyan o.''