21ê Adare roşanê ganîbîyayîşê şarê kurdî bi xoverdayîşêk yeno pêşwazîkerdene. Kawayê Asinkarî ra heta Kawayê Hemdemî Mazlûm, Zekîye, Sema û Rahşanan Newroze bi ruhê xoverdayîşî yena fîrazkerdene. Gerîlaya azadîye ya ke koyanê Kurdîstanî de têkoşîn kena seba roja Newroze qisey kerd.

Gerîlaya YJA-Starî Xemlîne Welat vat: ''Newroze roja ganîbîyayîşî ya, xoverdayîş a û cuye ya. Newroze yena manaya yewîya şaran û ganîbîyayîşê şaran a. Newroze newerabîyayîşê kurdan mojnena.  Ma bi raştîya Rayber Apoyî û xoverdayîşê şarê xo 21ê Adare fîraz kenê. 

Ganî ma têkoşînê xo xurtêr bikerê ke bieşkê azadîya Rayberê xo û yê şarê xo bîyarê ca. Ma reyna sozê azadîya cinîyan zî danê. Dewleta îşxalkere her tim bi armancê îşxalî hêrişê vera şarê ma kena la vera ney şarê kurdî her tim xo ver dano. No xoverdayîşêko fîraz o û vera dişmenan serewedaritiş o. Bi ruhê cengê Heftanînî ma do na roje azadîya Rayberê xo reyde bikerê yew.''