Gerîlaya YJA-Starî Rûkene Serhed bi wesîleya serrgêra 44. ya ronayîşê PKKyî ANFyî rê qisey kerd.

Gerîla Rûkene Serhed ard ziwan ke mîyanê tarîxî de cayê PKKyî taybet o û pêro dinya bi heyranî têkoşînê PKK û gerîlayan seyr kena. Rûkene Serhed vat: ''Rixmê hende teda û zorbazîyan bi serran o şar û têgêrayîşê ma meydanan de yê, aktîf ê. No pê keda Rayberîye, şehîdanê ma û gerîlayan beno.

Ewro roşnvîr, fîlozof, têgêrayîşê sosyalîstî destek danê partîya ma, Rayberîya ma. Hêzê kolonyal û faşîstî yê sey AKP-MHPyî nêwazenê nê paştdayîşî û hêzê têgêrayîşî bivînê. Ewro waranê Mam Reşo, Zendûra, Weerxelê û Qertalî yê Herêmanê Pawitişî yê Medya de ruhêk awan bîyo û no ruh ho geş beno. No ruhê PKKyî tim bi pîl û bi newe. Gerîlayî rixmê hêrişanê kîmyewîyan zî xoverdayîşê xo rê dewam kenê û hêrişanê dişmenî pûç kenê.

Ma mîrasê xoverdayîşî yê 43 serran ê PKKyî ra hêz gênê. Pê nê hêzî û manewîyatî ma wazenê ameyoxêkê azadî awan bikerê. Ma pê bawer ê ke serra 44. de serfîrazîye bivisnê destî, Rayberê xo azad bikerê.''