Şîyayîş çi wext bibo zî tim bêwext o. Şîyayîş nika deyn o, wezîfey yo, eşq o. Coka wexto ke ti kewena rayîrî, hêvîyanê xo yê serkewtişî zî teslîmê rayîrî kena.

Gerîlayî zî wina wextê şîyayîşî de hêvîyanê xo teslîmê yewbînan kenê. Wextê şîyayîşî de gerîlayî hîsger zî nêbenê. Gerîlayî têna destê yewbînan gênê û embazanê xo verar kenê.

Gerîlayî dest erzenê çekanê xo, rext û bendikê solanê xo girê danê. Kome çenteyê xo kontrol kena, çanteyê kamî/e giran bibo kome hetkarîya ci kena. Kome erzaqê xo zî çanteyan de ca kenê. Çanteyê înan de pironêkê nanî, awe, pendîr û çend heb zeytunî est ê.

Nameyê nê gerîlayan ra yew zî Dîcle ya ke Kobanê ra ya. Nika Zap de bi eşqê pîlî şina çalakîye. Vana: ''No şer têna şerê Zapî nîyo; şerê ma pêroyînan o. Warêkê hîrayî de vilabîyayîşê şerî ma rê avantaj bîyo. Seba ke nê koyî koyê ma yê, îşxalkerê ke yenê ci hedefê ma de yê. No şer şerê pêro gerîlayan o.''

Rîyê gerîlayan de wextê şîyayîşî de huyayîş est bi. Gerîlayî kewtî rayîr. Gerîlayî Nîrvana û Dîcle reyna ewnîyenê û huyenê.

Çimeyê Nîrvana de yew xorinîye est a. Hayîya aye pê her çîyî est a. Nîrvana zaf şer dîyo. Vakurê Kurdîstanî ra verê xo da Şorişê Rojawanî. Îşkenceyê DAÎŞî dî. A nika zî mîyanê tîmanê herektînan de têgêrena. Şina ke seba Zapî çalakîyan bikera.

Çîyo ke a raşte înan kerdo çenteyê xo hêvî ya, bawerîya agêrayîşî ya, waştişê azadîye yo, serkewtiş o.

No şer şerê înan o. La serkewtişê înan do bibê ê pêro Kurdîstanî.