Çalakîya nobete ya Kampa Multecîyan a Şehîd Rûstem Cûdîyî ya ke seba şiknayîşê tecrîdî û caardişê azadîya Rayberê Şarê Kurdî Abdullah Ocalanî yena kerdene, bi koma 81ine dewam kena.

Vizêr roja 411ine de koma 81ine nobete dewr girewte. Merasîmê dewrgirewtişî de koma 80ine ser o Serhat Pîrosîyî eşkerayîye wende.

Eşkerayîye de dîya zanayene ke çar serrî yo Rayberê Şarê Kurdî ra xeberêke nêna girewtene û wina ame vatene: ''Ma nê tecrîdê vera Rayber Apoyî tesdîq nêkenê. Heta ke Rayber Apo azad nêbo, ma çalakîyanê xo ra fek vera nêdê.''

Koma 81. bi slogananê sey ‘Bijî Serok Apo’ û ‘Bijî Berxwedana Îmraliyê’ nobete dewr girewte.