Wekîlê HDPyî nobeta vera tecrîdê serê Rayberê Şarê Kurdî Abdullah Ocalanî roja hîrêyîne de dewam kenê. Ewro wekîlî Murat Çepnî, Kemal Bulbul, Gulistane Kiliç Koçyîgît, Nurane Îmîr, Şevîne Coşkun, Dîlane Dîrayet Taşdemîr, Erdal Aydemîr, Saît Dede, Celadet Gaydali û Muazzeze Orhan tewrê nobete bîyî.

Murat Çepnîyî nameyê wekîlan ser o qisey kerd û ard ziwan ke sere de vera Rayberê Şarê Kurdî Îmrali de vera pêro tepişteyan tecrîd yeno caardene û no tecrîd bêhuqûqî yo. Çepnîyî vat: ''Tecrîd nê welatî de seba ke zulm dewam bikero yeno caardene û polîtîkaya şerî ey weye kena. Ma venga her kesî danê ke vera ney tewir bigêro. Ewro sere de Hemsereko Pêroyî xeylêk îdarekarê DBPyî ameyî destbendkerdene. No operasyon vera îradeyê kurdan o. Şarê kurdî vera nê operasyonî wa tewir bigêro û têkoşînî berz bikero.

Tecrîd vilayê pêro welatî bîyo. Tecrîd têna Îmrali nê pêro komelî keno hedef. Ma sey HDPyî heta peynî do vera tecrîdî çalakîyanê xo rê dewam bikerê. Tecrîd sûcê vera merdimatîye yo û ganî biqedo. Sere de Wezîrîya Edaletî ma venga pêro îqtîdarî danê ke nê sûcî ra wa fek vera bido. Eke Îmrali pabesteyê Komara Tirkîya û Qanûnê Bingeyî yo o çax huqûqê taybetî ra fek vera bidê û tecrîdî wedarnê.''