Fermandarîya Qerargehî ya Merkezê Pawitişê Şarî derheqê şehadetê Şerîf Yakut (Alî Pîlîng) de ke 14ê hezîranê 2019î de Bedlîs de şehîd bi eşkerayîyêka nuştekîye daye.

Eşkerayîye wina ya:

''Sayê şehîdan têkoşînê ma yê azadîye mojna ke çin nêbeno. Coka PKK partîya şehîdan o. Têkoşînê azadîye yo ke bi ercanê şehîdan û şarî ame awankerdene hêriş kamî ra yeno wa bêro, bedel çi beno wa bibo armancê xo ra fek vera nêda. 

Gonîya şehîdan bîye viraştoxa cuya newîye û ganîbîyayîşî. Çêr û fermandarê ma yo pîl embazê ma Alî Pîlîng 14ê hezîranê 2019î de Bedlîs de şarê artêşa tirke ya îşxalkere de şehîd bi. Zanayîşê derheqê Fermandar Alî Pîlîngî de wina yê:

Nameyê Qodî: Alî Piling Nama û Peyname: Şerîf Yakût Cayê Bîyayîşî: Êlih Maye-Pî: Fatma-Nûman Tarîx û Cayê Şehadetî: 14ê Hezîranê 2019î / Bedlîs

Embaz Alî serranê xo yê ciwanîye de serra 1991î de tewrê Tekoşînê Azadîye yê Kurdîstanî bi û bi serranê dergan her warî de bi fedakarî, dîsîplînî û berpirsîyarîye wezîfeyê xo ardî ca. Her parçeyê Kurdîstanî de keda embaz Alî esta. Embaz Alî endamê Konseya Leşkerî ya HPGyî bi. Serkewtişî ra ber rayîrêko bîn verê xo de nêrona. Embaz Alî cuya xo de bi tersê zerrîya dişmenan.

Embaz Alî bi pratîka xo ya şerî bi taktîsyenêko hosta, giranîye daye taktîkanê şerî. Embaz Alî yo ke rayberîya taktîkanê dewirê neweyî kerdêne bi hostatîya xo ya şerî, bi hêzê xo yê pirodayîşî û metodê xo yê netîcegirewtişî mojna ke astêka fermandarîye ganî senî biba.

Embaz Alî tim xeta Rayber Apoyî ser o xorin bi û rastîya îdeolojîke, felsefîke û polîtîke ya Rayber Apoyî şexsê xo de vete meydan û bi nê hawayî bi fermandarêko şorişgêr. 

Nê esasî ser o wezîfeyê ma yo ke ma têkoşînê embaz Alîyî bidê dewamkerdene, ercanê ci bidê ciwîyayene, xeyalê ci bîyarê ca. 

Nê esasî ser o sere de keyeyê embaz Alî rê ma pêro şarê Kurdîstanî yê welatperwerî rê serweşîye wazenê û soz danê ke ma do alaya şehîdan berz bikerê. Ma do rayraşîyayîşê serkewtişî yê bi  fermandarîya şehîdan perwerîya xo înan rê îsbat bikerê û wayîrê vîrameyîşê înan bivejîyê.''