Gerîlayanê azadîye yê Kurdîstanî Warê Xoverdayîşî yê Girê Hekarî yê Metîna de bi armancê selamkerdişê serrgêra ronîyayîşê PKKyî operasyonêko şorişgêr kerd. Operasyon de xeylêk îşxalkerî ameyî cezakerdene û pêro mewzîyî ameyî îmhakerdene.

Herêmanê Pawitişî yê Medya ra rojnameger Kawa Tolhildanî derheqê Operasyonê Şorişgêrî yê Şehîdanê Girê Hekarî de nê agahîyî dayî:

''Gerîlayanê Azadîye yê Kurdîstanî seba ke qesasê Girê Hekarî bigêra Girê Hekarî yê Metîna de operasyonêko şorişgêr kerd. No operasyon bi armancê selamkerdişê serrgêra 44. ya ronîyayîşê PKKyî ame kerdene. Operasyonî ewro saete 13.30 de dest pêkerd û 14.30 de qedîya. Saetêke mewzîyanê dişmenî de pêkewtişê giranî qewimîyayî.

Goreyê agahîyanê ke ma çimeyanê gerîlayan ra girewtê; çalakîye bi terzê xomîyankerdişî ameye kerdene. Gerîlayî kewtî mewzîyanê dişmenî. Bi taybetî Giranê Şehîd Akîf û Şehîd Zemanîyî de mewzîyê îşxalkerî yew bi yewe ameyî îmhakerdene. Nê operasyonî de xeylêk leşkerê tirkî yê îşxalkerî ameyî cezakerdene, dest nîya çek û cebilxaneyê dişmenî ser. Çek û malzemeyê leşkerî yê bînî zî hetê gerîlayan ra ameyî vêşnayene.

Artêşa tirke ya îşxalkere  warê operasyonî bi topan dana bombayan ver.''